اسرائیل حکومت کی فلسطینیوں کے قومی آشتی معاہدے کو تسلیم کرنے کے لئی4 شرطیں

جمعہ 13 اکتوبر 2017 17:51

یروشلم ۔ (اُردو پوائنٹ اخبارتازہ ترین - اے پی پی۔ 13 اکتوبر2017ء) اسرائیلی وزیراعظم نے فلسطینیوں کے قومی آشتی معاہدے کو تسلیم کرنے کے لئے چار شرطیں عائد کر دیں۔

(جاری ہے)

فلسطین کے انفارمیشن سینٹر کی رپورٹ کے مطابق اسرائیل کے وزیراعظم نیتن یاھو کے دفتر سے جاری بیان میں کہا گیا ہے کہ چار فریقی بین الاقوامی کمیٹی کی شرطوں کی پابندی ، حماس کو غیر مسلح کیے جانے، ٹنل کھودنے کا سلسلہ روکنے، میزائل بنانے کا سلسلہ بند کرنے اور غزہ پٹی میں قید صیہونیوں کی آزادی کی شرطوں پر ہی فلسطینیوں کے قومی آشتی سمجھوتے کو تسلیم کیا جا سکتا ہے۔

بیان میں دعوی کیا گیا ہے کہ ٹنلوں کی کھدائی ، میزائلوں کی پیداوار اور صیہونیت مخالف کارروائیاں چار فریقی بین الاقوامی کمیٹی کی شرطوں کے منافی ہیں ۔واضح رہے کہ فلسطین کی تحریک فتح اور حماس نے جمعرات کو مصر کے دارالحکومت قاہرہ میں تین روزہ مذاکرات کے بعد قومی آشتی کے سمجھوتے پر دستخط کئے۔

Facebook Twitter Google + Share on Whatsapp

اسرائیل حکومت کی فلسطینیوں کے قومی آشتی معاہدے کو تسلیم کرنے کے لئی4 شرطیں

متعلقہ عنوان :

مزید بین الاقوامی خبریں