ختم نبوت کا مسئلہ حتمی طورپر طے پا چکا ہے،ملکی دستور کے مطابق قادیانی امت مسلمہ کا حصہ نہیں،ختم نبوت کی تحریک میں اس قوم کا خون بھی شامل ہے ، ہرمسلک کے علما کرام اس بات پر متفق ہیں کہ ختم نبوت پر ایمان نہ لانے والے دائر ہ اسلام سے خارج ہیں، ایک چیز آئین میں موجود ہے اسے متنازع بنانے سے مسائل بڑھ سکتے ہیں، ناموس رسالت ہمارے دین کا پردہ ہے ہم اس کو چاک نہیں کرسکتے
مشیر وزیراعظم عرفان صدیقی کااردو سائنس کتاب گھر کی افتتاحی تقریب سے خطاب اور میڈیا سے گفتگو قومی تاریخ وادبی ورثہ ڈویژن میں 50کروڑ روپے کا انڈومنٹ فنڈ قائم ، علمی وادبی اداروں کے تحت کانفرنسیں،سیمینارز کیلئے استعمال ہوگا، بہترین سائنسی کتاب کے لیے ڈاکٹر عاصم بخشی کو50ہزارروپے کا اردوسائنس ایوارڈ اورشیلڈ بھی دی گئی
جمعہ 13 اکتوبر 2017 17:51
(جاری ہے)
تقریب کی صدارت ڈائریکٹر جنرل اردو سائنس بورڈ ڈاکٹر ناصر عباس نیّر نے کی۔اس موقع پر بہترین سائنسی کتاب کے لیے ڈاکٹر عاصم بخشی کو 50ہزارروپے کا اردوسائنس ایوارڈ اورشیلڈ بھی پیش کی گئی۔عرفان صدیقی نے کہا کہ پاکستان کا سوفٹ امیج دنیا میں پیش کرنے کے لیے علمی و ادبی اور ثفاقتی اداروں کا کردار بہت اہم ہے ، پاکستان کے علمی وادبی اور ثقافتی ادارے نیم مردہ ہوچکے تھے، محنت اور لگن کے ساتھ ان اداروں کو پھر سے اچھی کارکردگی دکھانے کے قابل بنایا، اردو لغت کو ڈیجیٹلائز کردیا گیا ہے جس کا افتتاح اگلے ماہ کر دیا جائے گا، تلفظ کا مسئلہ حل کرنے کے لیے ساونڈ ڈکشنری پر بھی کام جاری ہے، جون2018ء سے پہلے اسے بھی مکمل کر لیا جائے گا۔
انہوںنے اردو سائنس بورڈ کی کارکردگی پر اطمینان کا اظہار کرتے ہوئے ادارے کے مسائل حل کرنے کی یقین دہانی کرائی۔ انھوں نے کہا کہ ایسے نو ادارے وزارت اطلاعات کے ماتحت ہیںان اداروں کی کار کردگی میں اب 70سے 80فیصد اضافہ ہو چکا ہے،اس لئے یہ کہنا درست نہیں کہ پڑھنے والوں نے کتاب سے ناطہ توڑ لیا ہے اب بھی نیشنل بک فاونڈیشن روزانہ اوسطً ایک کتاب چھاپ رہی ہے ۔انہوںنے کہاکہ ادیبوں اور شاعروں کے وظائف میں اضافہ کیا گیا ہے، وزارت کے علمی اور ادبی اداروں میں سیمینارز ، مباحثوں کے اخراجات کے لیے 50کروڑ روپے کا انڈومنٹ فنڈ قائم کیا گیا ہے یہ رقم نیشنل بنک میں جمع ہے جس پر منافع ملتا ہے جو علمی وادبی اور ثفاقتی پروگراموں پر خرچ ہو گا ۔ایک اور سوال کے جواب میں مشیر وزیراعظم نے بتایا کہ قادیانیوں کو مسجد،اذان اور دیگر شعائر اسلام کے نام استعمال کرنے کی اجازت نہیں ہے،مفکر پاکستان علامہ محمد اقبال نے ختم نبوت کو ناموس مصطفی کا پردہ قرار دیا تھا ، اس نازک اور حساس مسئلے سے چھیڑ خانی نہ کی جائے ۔یونیورسٹیوں کے لیے وفاقی سطح پر ایکٹ بنانے کے حوالے سے پوچھے گئے ایک سوال کے جواب میں انھوں نے کہا کہ اٹھارویں ترمیم کے ذریعے تعلیم، صحت اور خوراک کے شعبے صوبوں کے حوالے کردیے گئے ہیںان پر کوئی پیش رفت صوبوں کی مشاورت سے ہی ہو سکتی ہے ۔ تقریب سے خطاب کرتے ہوئے عرفان صدیقی نے کہاکہ قومی تاریخ وادبی ورثہ ڈویژن کے اقدامات کی بدولت ماتحت مفلوج اداروںکی کارکردگی میں بہتری آئی ہے۔ان علمی اورادبی اداروں نے پاکستان کے مثبت تشخص کواُجاگرکرنے میں بہت اہم کرداراداکیاہے۔مشیر وزیراعظم نے کہا کہ قومی تاریخ وادبی ورثہ ڈویژن کے ماتحت اداروں کو مزید فعال بنانے کے لیے ان کی ہرممکن مدد کی جائے گی۔اس سے قبل ڈائریکٹر جنرل اردو سائنس بورڈ ڈاکٹرناصر عباس نیّر نے بورڈ کی کارکردگی ، جاری اورمستقبل کے منصوبوں کے بارے میں تفصیلی بریفنگ دی۔ مشیر وزیراعظم نے بورڈ کی کارکردگی پر اطمینان اکاظہارکیا۔تقریب میں ڈاکٹر زاہد منیر عامر، ڈاکٹر جاوید اقبال قاضی ،ڈاکٹر خالد سنجرانی، ڈائریکٹر نیشنل بک فائونڈیشن نزہت اکبر،، ناصر بشیر ، اکرام چغتائی،ڈاکٹر اورنگ زیب نیازی،سرکاری اورغیر سرکاری اداروں کے سربراہان، طلبا اوراساتذہ کی کثیر تعداد نے شرکت کی۔متعلقہ عنوان :
مزید قومی خبریں
-
سپیکر قومی اسمبلی جمشید احمد دستی اور محمد اقبال خان کو صدارتی خطاب کے موقع پر نامناسب برتائو اختیار کرنے پر معطل کر دیا
-
پٹرولیم مصنوعات کی قیمتوں میں حالیہ اضافہ عالمی مارکیٹ میں قیمتوں کو مدنظر رکھ کر کیا گیا ہے، وفاقی وزیر قانون و پارلیمانی امور
-
رشتے سے انکار پر لڑکے نے چھریاں مارکر لڑکی کو زخمی کردیا
-
صدارتی خطاب پر بحث کیلئے تحریک رواں سیشن کے ایجنڈے پر لائی جائے گی ، مشترکہ اجلاس سے صدارتی خطاب کے موقع پر اپوزیشن کا رویہ افسوسناک ہے،اعظم نذیر تارڑ
-
یوٹیلیٹی اسٹورز پر وزیراعظم ریلیف پیکج جاری رکھنے کا فیصلہ، 5 اشیاء پر سبسڈی برقرار
-
سینیٹر اعظم خان سواتی کی بازیابی کیلئے دائر درخواست واپس لیے جانے پر نمٹا دی گئی
-
خیبر پختونخوا حکومت نے آئندہ مالی سال سے صوبے میں بیوٹی پارلرز اور شادی ہالوں پر فکسڈ ٹیکس لگانے کا فیصلہ کرلیا
-
لاہور ، 9 سالہ بچی سے زیادتی کی کوشش کرنے والا ملزم گرفتار
-
قائمقام امیر جماعت اسلامی پنجاب وسطی نصر اللہ گورائیہ کی نو منتخب امیر جماعت حافظ نعیم
-
گورنر سندھ سے واپڈا ایڈمنسٹریٹو اسٹاف کالج کے 62ویں سینئرمینجمنٹ کورس کے شرکاء کی ملاقات
-
پرویزالٰہی اور دیگر پر جعلی بھرتیوں کے کیس میں فرد جرم عائد نہ ہو سکی، 2مئی کو طلب
-
آئی جی پنجاب کی جانب سے پولیس ملازمین کی ویلفیئر کیلئے انقلابی اقدامات
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.