گندم کی بروقت کاشت کیلئے کاشتکاروںکو بہتر منصوبہ بندی کی ہدایت

جمعہ 13 اکتوبر 2017 16:36

فیصل آباد۔13 اکتوبر(اُردو پوائنٹ اخبارتازہ ترین - اے پی پی۔ 13 اکتوبر2017ء)ماہرین زراعت نے کہا ہے کہ گندم کی فی ایکڑ زیادہ پیداوار اور بمپر کراپ حاصل کرنے کیلئے بہتر منصوبہ بندی کی اہم ضرورت ہے لہٰذا اگر ہمارا کسان فصل کی کاشت کیلئے مناسب منصوبہ بندی اور محکمہ زراعت کے مشوروں پر سو فیصد عمل کرے تو پیداوار میں اضافہ ممکن ہے۔ انہوں نے کہا کہ کاشتکاروں و کسانوں کو چاہیے کہ وہ اپنے وسائل کے مطابق فصل کاشت کریں اور اگر انہیں فصل کی کاشت میں کسی مالی مشکل یا معاشی پریشانی کا سامنا ہو تو وہ زرعی ترقیاتی بینک سے ون ونڈو سکیم کے ذریعے آسان شرائط پر قرضہ حاصل کر سکتے ہیں۔

انہوںنے کہا کہ گندم کی پیداواری ٹیکنالوجی سے استفادہ بھی وقت کی اہم ضرورت ہے۔ انہوںنے بتایا کہ پچھیتی کاشت کیلئے شرح بیج میں اضافہ اس لئے بھی ضروری ہے کہ درجہ حرارت میں کمی سے بیج کا اگائو کم اور پودا جھاڑ کم بناتا ہے جس سے سٹے چھوٹے رہ جاتے ہیں۔

(جاری ہے)

انہو ں نے بتا یا کہ شرح بیج میں اضافہ جڑی بوٹیوں کو کنٹرول کرنے کیلئے بھی معاون ثابت ہوتا ہے۔ انہوںنے بتایاکہ گندم کے پودے زیادہ ہونے سے جڑی بوٹیوں کو پھلنے پھولنے کا موقع نہیں ملتا ۔ انہوں نے بتا یا کہ ایوب زرعی تحقیقاتی ادارہ فیصل آباد اور محکمہ زراعت کا عملہ کاشتکاروں کی معاونت کیلئے ہمہ وقت مستعد ہے لہٰذا ان کی خدمات سے کسی بھی وقت استفادہ کیا جا سکتا ہے۔

Facebook Twitter Google + Share on Whatsapp

گندم کی بروقت کاشت کیلئے کاشتکاروںکو بہتر منصوبہ بندی کی ہدایت

مزید تجارتی خبریں