درآمدی اشیاء پر ڈیوٹی لگانے کا فیصلہ مہنگائی اور سمگلنگ کو پروموٹ کرے گا‘ پیاف
بڑھتے ہوئے تجارتی خسارے کو کم کرنے کیلئے ایسے اقدامات کئے جائیں جس سے پیداواری لاگت کم ہو تاکہ ملکی برآمدات بڑھیں اور تجارتی خسارہ کم ہو‘عرفان اقبال شیخ ، تنویر احمد صوفی ، خواجہ شاہزیب اکرم
جمعہ 13 اکتوبر 2017 16:28
(جاری ہے)
عرفان اقبال شیخ نے کہا کہ ملکی امپورٹس مختلف ڈیوٹیز کے باعث پہلے ہے مہنگی ہیں، حالیہ اقدام سے اور زیادہ مہنگی ہو جائیں گی اور غیر قانونی طریقے سے درآمدات بڑھ جائیں گی جنکا ملکی معیشت پر حصہ نہیں ہو گا اور حکومت کا ریونیو بھی گھٹ جائے گا۔
درآمدی بل میں اضافے کی سزا عوام کو دینا کسی طور پر مناسب نہیں۔ حکومت کو چاہیے کہ بڑھتے ہوئے تجارتی خسارے کو کم کرنے کیلئے ایسے اقدامات کئے جائیں جس سے صنعتوں میں پیداواری لاگت کو کم ہو تاکہ ملکی برآمدات کو بڑھایا جا سکے۔عرفان اقبال شیخ نے کہا کہ پاکستان کی برآمدات مخصوص مصنوعات اور مخصوص ممالک تک محدود ہیں جن کی وجہ سے ہم برآمدات بڑھانے کا خواب پورا نہیں کرپائی. پچھلے تین سالوں میں ملکی برآمدات کم ہو کر 25 سے 19 ارب ڈالر ہو گئی ہیں جبکہ اسی پریڈ اور انہی حالات میں بنگلہ دیش کی برآمدات میں خاطر خواہ اضافہ ہوا ہے ۔ ترقی یافتہ ممالک ریسرچ کرکے نئے ذرائع تلاش جبکہ ہم خاموش تماشائی کا کردار ادا کررہے ہیں۔ پیاف کے عہدیداران نے حکومت پر زور دیا کہ وہ تمام معاشی امور پر بزنس کمیونٹی کو اعتماد میں لیں کیونکہ تاجر معیشت کی ریڑھ کی ہڈی ہیں اور معاشی بہتری کے لیے زیادہ بہتر کردار ادا کرنے کی صلاحیت رکھتے ہیں۔ تجارتی پالیسی میں برآمدات میں اضافہ کیلئے اربوں روپے مختص کیے گئے ہیں ضرورت اس امر کی ہے کہ برآمدات میں اضافہ کیلئے اس رقم کا استعمال کیا جائے اور بیرون ملک نئی منڈیوں کی تلاش کے ساتھ ساتھ پاکستانی مصنوعات کی نمائش کے انتظاما ت کیے جائیں تاکہ پاکستانی اشیاء کی بیرون ملک برآمدات میں اضافہ ممکن ہوسکے ۔ بار بار کے وعدوں کے باوجود ریفنڈز کی عدم ادائیگی نے برآمدگان کی کمر توڑ دی ہے جس سے ایکسپورٹ سیکٹر متاثر ہورہا ہے ۔ریفنڈز کی جلد ادائیگی کو یقینی بنایا جائے تاکہ ایکسپورٹر دلچسپی سے برآمدات میں اضافہ کیلئے کوششیں کرسکیں۔انہوںنے کہا کہ مہنگی بجلی بھی ملکی برآمدات میں کمی کا باعث ہے اس لیے صنعتی مقاصد کیلئے بجلی کی قیمتوں میں بھی کمی کی جائے۔متعلقہ عنوان :
مزید تجارتی خبریں
-
پاکستان سٹاک ایکسچینج میں مسلسل دوسرے روز مندی کارحجان،کے ایس ای 100 انڈیکس 43.20 پوائنٹس کی کمی کے بعد 70290.11 پوائنٹس پربند
-
لاہور:برائلر گوشت کی قیمت 699روپے فی کلو تک پہنچ گئی
-
انٹر بینک اور اوپن مارکیٹ میں روپے کے مقابلے ڈالر مہنگا
-
سونے کی قیمتوں کا کمی کا رجحان
-
اٹک سیمنٹ نے 1.27 ملین ٹن سالانہ کی نصب صلاحیت کے ساتھ ایک نئی پیداواری لائن کے اضافے کا اعلان
-
بینکوں کے ڈیپازٹس، قلیل مدت کے قرضوں اورسرمایہ کاری میں مارچ کے دوران سالانہ بنیاد پر اضافہ ہوا،سٹیٹ بینک
-
پاکستان سٹاک ایکسچینج میں تیزی،100 انڈیکس51 پوائنٹس اضافہ
-
برائلرگوشت کی قیمت 699 روپے فی کلو تک پہنچ گئی
-
چینی کارساز کمپنی چیری کا ٹیگو 8 کی قیمت میں بڑی کمی کا اعلان
-
انٹر بینک میں روپے کے مقابلے ڈالر کی قدر مستحکم رہی جبکہ اوپن مارکیٹ میں ڈالر مہنگا
-
دو ہفتوں کے دوران پیٹرول کی قیمت میں 5 فیصد اضافہ
-
پاکستان اسٹاک مارکیٹ بدھ کو بھی کاروباری اتار چڑھائو کی زد میں رہی ،اگرچہ ٹریڈنگ کے دوران انڈیکس 70700پوائنٹس کی بلند سطح عبور کر گیا تھا تاہم پرافٹ ٹیکنگ کیلئے فروخت کے دبائو سے تیزی مندی میں تبدیل ..
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.