چین میں ستمبر میں برآمدات اور درآمدات کا حجم ریکارڈ رہا

جمعہ 13 اکتوبر 2017 13:13

بیجنگ ۔ (اُردو پوائنٹ اخبارتازہ ترین - اے پی پی۔ 13 اکتوبر2017ء) چین میں ستمبر میں برآمدات اور درآمدات کا حجم ریکارڈ رہا۔ چینی کسٹمز ڈیٹا کے مطابق ستمبر میں درآمدات میں گزشتہ سال ستمبر کے مقابلی 18فیصد اضافہ ہوا، برآمدات میں اضافہ8.1 فیصد رہا جو کہ اندازوں سے کم ہے تاہم اگست سے زیادہ رہا۔ چین نے ستمبر میں خام لوہے کی 103 ملین ٹن ریکارڈ درآمد کی جو کہ اگست کے مقابلے میں88.7 ملین ٹن زیادہ تھی۔

(جاری ہے)

اسی طرح تانبے کی بھی مارچ کے بعد پہلی ریکارڈ درآمد ہوئی۔ امریکا کے ساتھ ٹریڈ سرپلس میں بھی ریکارڈ اضافہ ہوا، سرپلس28.08 بلین ڈالر رہا جو کہ اگست میں 26.23 بلین ڈالر تھا۔امریکا کے ساتھ ستمبر میں برآمدات میں13.8 فیصد اضافہ رہا جوکہ اگست میں 8.4 فیصد زیادہ تھا۔ ستمبر میں امریکا کو برآمدات کا حجم ریکارڈ 40.9 بلین ڈالر رہا۔ شمالی کوریا سے درآمدات کے حجم میں ستمبر میں37.9 فیصد کمی آئی اور یورپی یونین سے درآمد میں 30.9 فیصد اور برآمدات میں 10.4فیصد اضافہ ریکارڈ کیا گیا۔