منصور آفاق ہمہ سمتی، جدید لب و لہجے کے شاعر ہیں،شعیب بن عزیز

جمعرات 12 اکتوبر 2017 23:28

فیصل آباد۔12 اکتوبر(اُردو پوائنٹ اخبارتازہ ترین - اے پی پی۔ 12 اکتوبر2017ء)منصور آفاق ہمہ سمتی، جدید لب و لہجے کے شاعر ہیں جو عصری تقاضوں کو صوفیائی سخن وری سے بھی مزئین کرنے کا فن رکھتے ہیں۔ان خیالات کا اظہار معروف محقق ،شاعر اور دانشور شعیب بن عزیزنے فیصل آباد آرٹ کونسل کے زیر اہتمام کالم نگار/شاعر منصور آفاق کیساتھ ترتیب دی گئی ایک تقریب کے اختتام پر اظہار خیال کرتے ہوئے کہی۔

(جاری ہے)

انہوں نے کہا کہ ریذیڈنٹ ڈائریکٹر فیصل آباد آرٹ کونسل صوفیہ بیدار کی ادب و فن کی آبیاری کے حوالے سے عملی کاوشیں قابل ستائش ہیں ۔نصرت فتح علی خاں آڈیٹوریم میں منعقد ہونے والی اس تقریب میں مقامی اور مہمان ادباء دانشورںاورمحقین نے منصور آفاق کی شخصیت ،فن اور فنی ارتقاء پر اظہار خیال کیا۔ادبی تقریب میں سینکڑوں شہری اپنے لیجنڈز کو سننے اور دیکھنے کے لیئے موجود تھے۔تقریب میں شہر کی ادبی و ثقافتی تنظیموں کی جانب سے مہمان ادباء شعب بن عزیز اور منصورر آفاق کا بھرپور استقبال کیا گیا اور انہیں گلدستے پیش کیئے گئے۔

Facebook Twitter Google + Share on Whatsapp

منصور آفاق ہمہ سمتی، جدید لب و لہجے کے شاعر ہیں،شعیب بن عزیز

مزید قومی خبریں