سیاسی سوداگرحیدرآباد شہر میں ایم کیوایم کے خاتمہ اور طاقت کے نشے میں شہر پر مسلط ہونے کے خواب دیکھ رہے ہیں ، رکن سندھ اسمبلی راشد خلجی

جمعرات 12 اکتوبر 2017 23:27

حیدرآباد(اُردو پوائنٹ اخبارتازہ ترین - این این آئی۔ 12 اکتوبر2017ء) ایم کیو ایم کے رکن سندھ اسمبلی راشد خلجی نے کہا ہے کہ سیاسی سوداگرحیدرآباد شہر میں ایم کیوایم کے خاتمہ اور طاقت کے نشے میں شہر پر مسلط ہونے کے خواب دیکھ رہے ہیں لیکن وہ اپنے ناپاک مقاصد میں کامیاب نہیں ہوں گے۔

(جاری ہے)

ایم کیوایم حیدرآباد ڈسٹرکٹ آرگنائزر و ایم پی اے راشد خلجی نے پکاقلعہ گروانڈمیں ایم کیوایم حیدرآباد ٹائونز کے انچارجز وارکان کے اجلاس سے خطاب کرتے ہوئے کہاکہ ایم کیوایم مشکل اور نازک دور سے گزار رہی ہے اس لئے چند ضمیرفروشوں اور سیاسی سوداگروں نے شہر کو فتح کرنے کیلئے حق پرستوں کے علاقوں میں نظر آرہے ہیں لیکن عوام ان کے اصل چہروں سے اچھی طرح آشناء ہے، ایم کیوایم کے کارکن اور عوام بہت جلد ان ضمیر فروشوں اور سیاسی سوداگروں کو ان کے منطقی انجام تک پہنچائیں گے۔