جاپان پاکستان کا دوست اور قابل اعتماد معاشی شراکتدار ہے ‘پاکستان کے اقتصادی حالات ..
تازہ ترین : 1

جاپان پاکستان کا دوست اور قابل اعتماد معاشی شراکتدار ہے ‘پاکستان کے اقتصادی حالات اور امن و امان میں نمایاں بہتری آئی ہے ‘بہتر امن و امان قانون نافذ کرنے والے اداروں کی کامیاب کارروائیوں کا نتیجہ ہے

وزیراعظم شاہد خاقان عباسی کی جاپان کے سفیر تاکاشی کورائی سے گفتگو

جاپان پاکستان کا دوست اور قابل اعتماد معاشی شراکتدار ہے ‘پاکستان کے ..
اسلام آباد ۔ (اُردو پوائنٹ اخبارتازہ ترین۔ 12 اکتوبر2017ء) وزیراعظم شاہد خاقان عباسی سے جاپان کے سفیر تاکاشی کورائی نے ملاقات کی ۔وزیراعظم آفس سے جاری بیان کے مطابق ملاقات کے دوران وزیر اعظم شاہد خاقان عباسی نے کہا کہ جاپان پاکستان کا دوست اور قابل اعتماد معاشی شراکتدار ہے ‘پاکستان کے اقتصادی حالات اور امن و امان میں نمایاں بہتری آئی ہے ‘بہتر امن و امان قانون نافذ کرنے والے اداروں کی کامیاب کارروائیوں کا نتیجہ ہے ۔

دو طرفہ تعلقات پر زور دیتے ہوئے وزیراعظم شاہد خاقان عباسی نے کہا کہ پاکستان جاپان کے ساتھ تعاون کو مزید فروغ دینے کا خواہاں ہے ‘تجارت ‘سرمایہ کاری ‘بنیادی ڈھانچے ‘توانائی کے شعبوں اوردونوں ممالک کے عوام سے عوام تک رابطوںمیں تعاون بڑھانا چاہتے ہیں ۔وزیرا عظم نے کہا کہ پاکستانی ٹیکسٹائل کیلئے جاپان عارضی ٹیرف اقدامات کے تحت مزید تین سے چار سال کا استثنیٰ پر غور کرے تاکہ پاکستان اس شعبہ میں اپنے مسابقت کاروں کے ہم پلہ ہو سکے جنہیں اس وقت جاپان کی مارکیٹ میں آزاد رسائی حاصل ہے۔

وزیراعظم نے جاپانی کمپینیوں کی جانب سے پاکستان میں سرمایہ کاری کا خیر مقدم کرتے ہوئے کہا کہ اس سے ہماری صنعتی شعبے میںاضافی پیدوار میں مدد ملے گی ۔جاپان کے سفیر تاکاشی کورائی نے پاکستان میں اقتصادی ترقی کو سراہتے ہوئے کہا کہ جاپان میں پاکستان کا تصور یکسر تبدیل ہو گیا ہے‘اب جاپان کے لوگ پاکستان کو کاروبار دوست ملک کے طور پر جانتے ہیں ۔ انہوں نے کہا کہ پاکستان میں سلامتی کے امور ‘انفرسٹرکچرمیں بہتری اور کاروبار دوست ماحول بنانے کو قدر کی نگاہ سے دیکھتا ہے ۔

مزید متعلقہ خبریں پڑھئیے‎ :

وقت اشاعت : 12/10/2017 - 22:42:08

اپنی رائے کا اظہار کریں