Live Updates

عمران خان نے نااہل قرار دیے جانے کی صورت میں سیاست چھوڑنے کا اعلان کر دیا

muhammad ali محمد علی جمعرات 12 اکتوبر 2017 18:46

عمران خان نے نااہل قرار دیے جانے کی صورت میں سیاست چھوڑنے کا اعلان کر ..
لاہور (اردو پوائنٹ تازہ ترین اخبار - 12اکتوبر 2017ء) عمران خان نے نااہل قرار دیے جانے کی صورت میں سیاست چھوڑنے کا اعلان کر دیا ہے۔ تفصیلات کے مطابق تحریک انصاف کے سربراہ عمران خان نے نجی ٹی وی چینل کے پروگرام سے گفتگو کرتے ہوئے اعلان کیا ہے کہ اگر انہیں نااہل کیا گیا تو وہ سیاست چھوڑ دیں گے۔

(جاری ہے)

عمران خان نے مزید کہا ہے کہ ایک شخص نے عدالت سے سزا پانے کے باوجود پارٹی کا صدر بن کر قانون اور آئین کا مذاق اڑایا ہے۔ تاہم وہ ایسا کچھ نہیں کریں گے۔ واضح رہے کہ مسلم لیگ ن کے رہنما حنیف عباسی کی پٹیشن پر سپریم کورٹ میں عمران خان کیخلاف نااہلی کا کیس چل رہا ہے۔ کیس کی سماعت مکمل ہو چکی ہے جبکہ اس کا فیصلہ جلد سنائے جانے کا امکان ہے۔

Live عمران خان سے متعلق تازہ ترین معلومات

متعلقہ عنوان :