خاتون امپائر سے بدتمیزی، ٹینس پلیئر فابیوفوگنینی پر 96 ہزار ڈالر جرمانہ

جمعرات 12 اکتوبر 2017 14:27

پیرس(اُردو پوائنٹ اخبارتازہ ترین - آئی این پی۔ 12 اکتوبر2017ء) اطالوی ٹینس پلیئر فابیو فوگنینی پر اگست میں منعقدہ یوایس اوپن کے دوران سوئیڈش خاتون امپائر لوئسی اینگزیل پر منفی جملے بازی کرنے پر 96 ہزار ڈالر جرمانہ عائد کردیاگیا۔

(جاری ہے)

انھیں 2 گرینڈ سلم ایونٹس کیلیے بھی معطل کرنے کی وارننگ دی گئی ہے، واقعے پر فوگنینی کو یوایس اوپن سے باہر کرتے ہوئے 24 ہزار ڈالر جرمانہ بھی عائدکیاگیا، اگر مستقبل میں ان کا رویہ بہتر رہا توجرمانے کی آدھی رقم معاف ہوسکتی ہے،یہ فیصلہ گرینڈ سلم بورڈ نے سنایا، اعلامیے میں کہاگیا کہ فوگنینی نے فیصلہ تسلیم کرلیااور وہ اس کیخلاف اپیل نہیں کریں گے۔