قندیل بلوچ قتل کیس; مفتی عبدالقوی کے ناقابل ضمانت وارنٹ گرفتاری جاری
تازہ ترین : 1
قندیل بلوچ قتل کیس; مفتی عبدالقوی کے ناقابل ضمانت وارنٹ گرفتاری جاری

قندیل بلوچ قتل کیس; مفتی عبدالقوی کے ناقابل ضمانت وارنٹ گرفتاری جاری

ملتان (اُردو پوائنٹ تازہ ترین اخبار۔ 12 اکتوبر 2017ء): قندیل بلوچ قتل کیس میں عدالت نے مفتی عبد القوی کے ناقابل ضمانت وارنٹ گرفتاری جاری کر دئے ہیں۔ تفصیلات کے مطابق مفتی عبد القوی نے قندیل بلوچ قتل کیس میں مفتی عبدالقوی نے گذشتہ روز ایڈیشنل ڈسٹرکٹ اینڈ سیشن جج کی عدالت میں وکیل محبوب عالم خان کے ذریعے درخواست ضمانت قبل از گرفتاری دائر کی تھی جس میں مؤقف اختیار کیا گیا تھا کہ انہیں قندیل بلوچ قتل کیس میں بے گناہ قرار دینے کے بعداب دوبارہ بیان کے ذریعے ملوث کردیا گیا ہے ۔

درخواست میں کہا گیا کہ ایسا کرنے سے میری مذہبی، سیاسی اور سماجی شہرت کو نقصان پہنچایا جا رہا ہے۔ تاہم عدالت میں پولیس نے موقف اختیار کیا کہ مفتی عبد القوی شامل تفتیش نہیں ہو رہے۔ جس پر عدالت نے مفتی عبد القوی کے ناقابل ضمانت وارنٹ گرفتاری جاری کردئے۔ خیال رہے کہ مفتی عبد القوی کو قندیل بلوچ قتل کیس کا اہم کردار سمجھا جاتا ہے۔

مزید متعلقہ خبریں پڑھئیے‎ :

وقت اشاعت : 12/10/2017 - 10:50:27

متعلقہ عنوان :

اپنی رائے کا اظہار کریں