پاکستان انٹرنیشنل فلم فیسٹول کا انعقاد خوش آئند ہے ،گورنر سندھ
امن و امان کے قیام کے بعد پاکستان کے حالات بہت بہتر ہو چکے ہیں،دنیا میںمثبت امیج اجاگر کرنا ہوگا ،محمد زبیر ثقافتی ، سماجی اور کھیلوں کی سرگرمیوں کے فروغ ضروری ہے ، کراچی فلم سوسائٹی کے تحت منعقدہ تقریب سے خطاب
بدھ 11 اکتوبر 2017 22:33
(جاری ہے)
انہوں نے کہا کہ کراچی میں ثقافتی سرگرمیاں روز بروز بڑھتی جارہی ہیں اور انٹر نیشنل فلم فیسٹول کا انعقادوقت کی اہم ترین ضرورت ہے ، پاکستان انٹرنیشنل فلم فیسٹول کے مارچ 2018 ء میں انعقاد کراچی میں اہم ثابت ہوگا اس سے نہ صرف ثقافتی کے فروغ میں مدد ملے گی بلکہ فلم انڈسٹری سے وابستہ ملکی اور غیر ملکی افراد بھی ایک دوسرے کے مزید قریب آئیں گے ۔
گورنر سندھ کراچی فلم کے سوسائٹی کے سرپرست بھی ہیں ، نے کہا کہ فیسٹول کی روشنی میں کراچی بھی فلم کی بڑی انڈسٹری کے طور پر سامنے آئے گا یہ شہر کی ایک شاندارعکاسی ظاہر بھی کرے گا جس سے فلم بنانے والوں کے کام میں بھی مزید نکھار آئے گا اور ایک بار پھر شہر میں فلم انڈسٹری کو فروغ حاصل ہوگا۔ انہوں نے کہا کہ فیسٹول ٹھنڈی ہوا کا جھوکا ثابت ہوگا جس سے پاکستانی فلمسازوں ، اداکاروں اور دیگر متعلقہ افراد کو دنیا میں مختلف موضوعات پر بننے والی فلموں سے بھی سیکھنے کا موقع ملے گا ، کراچی میں ثقافتی سرگرمیوں میں اضافہ سے عالمی سطح پرپاکستان کا مثبت امیج اجا گر ہوگا، امن و امان کے قیام کے بعد ہمیں سب سے ہاتھ ملا کر سماجی ، ثقافتی اور تفریحی پروگرامز منعقد کرنے کی ضرورت ہے ، مقامی سطح پر ہمیں نئے سینیما گھروں کو متعارف اور پاکستانی فلموں کو عالمی سطح پر دکھانا ہوگا ،فلم سے متعلق تمام اسٹیک ہولڈرز کے ساتھ مل بیٹھنے سے آئیڈیاز ،تصوراور اسٹوریز کے تبادلوں سے فلم انڈسٹری کو تقویت حاصل ہوگی ۔ انہوں نے کہا کہ پاکستان انٹر نیشنل فلم فیسٹول کے زیر اہتمام مختلف ایونٹس کا انعقادسینیمائوں کے عظیم لیجنڈز کو خراج تحسین بھی ہے اور طرح دوسروں کو بھی عظیم لیجنڈ ز سے سیکھنے کی آگاہی حاصل ہوگی جس سے پاکستانی فلم انڈسٹری کو فروغ حاصل ہوگا ۔ تقریب میں گورنر سندھ نے کراچی فلم سوسائٹی کے عہدیداروں کی کا وشوں کو سراہتے ہوئے ایونٹ کے کامیاب انعقاد کے لئے اپنے مکمل تعاون کا یقین دلایا،کراچی لٹریچر فیسٹول کی طرح کراچی فلم سوسائٹی کے زیر اہتمام پاکستان انٹر نیشنل فلم فیسٹول کے مارچ 2018 ء میں انعقاد کا مقصد اس طرح کے ایونٹ مستقبل میں بھی مستقل بنیادوں پر منعقد کرنا ہے۔ انہوں نے کہا کہ فیسٹول میں شرکت کرنے والے مختلف ممالک کے شرکاء کی بنائی جانے والی محدود دورانیہ کی فلم ، ڈاکیومنٹری اور فیچر فلم شہر کے مختلف سینیمائوںNueplex ، فریئر پال ، سی ویو اور دیگر موبائل سینیما ئوں میں دکھائی جائیں۔ تقریب سے خطاب میں ڈاکٹر عشرت حسین نے کہا کہ شہریوں کی جانب سے عالمی سطح پر پاکستان با الخصوص کراچی کے اصل تاثر کو اجاگر کرنے کی یہ ایک کاوش ہے ،پاکستان کے مسکن کی قدرتی خوبصورتی ،بڑی تعداد میںتاریخی آثار ،مختلف متحرک عوامل ، تخلیقی صلاحیتوں سے مالا مال لٹریچر ،آرٹ ،ڈرامہ ، موسیقی ،میوزک ، شاعری اور فلم کو متعارف کرانے کی ضرورت ہے اس ضمن میں فلم فیسٹول اہم ثابت ہوگا ۔ HUM نیٹ ورک اور کراچی فلم سوسائٹی کی صدر سلطانہ صدیقی نے کہا کہ ہماری سوسائٹی کے ساتھیوں کی یہ ایک اہم کاوش ہے اور مجھے اس ٹیم کا حصہ ہونے پر فخر ہے، یہ ایونٹ نئے فلم سازوں کو عالمی سطح کے کام کے ضمن میں اہم مواقعے فراہم کرے گا۔واضح رہے کہ اپنے شعبوں میں نمایا ں خدمات انجام دینے والے اسٹیٹ بنک کے سابق گورنر ڈاکٹر عشر ت حسین ،OUP کی منیجنگ ڈائریکٹرمس امینہ سید ، رائٹر ، فلمساز ، پالیسی ساز ، سابق وفاقی وزیراورسینیٹر جاوید جبار ، ، حبیب میٹرو پولیٹن بنک کے صدر اور چیف ایگزیکٹیو سراج الدین عزیز ، Nueplex سینیما کے چیف ایگزیکٹیو آفیسر جمیل بیگ ، SOP کی چیئر پرسن رونق لاکھانی ، اوسکر ایوارڈ حاصل کرنے والی ڈائریکٹراور پروڈیوسر شرمین عبید چنائے اور کراچی فلم سوسائٹی کی صدر ، پرائیڈ آف پرفارمنس ایوارڈ یافتہ اورہم نیٹ ورک لمیٹڈ کی صدر سلطانہ صدیقی کراچی فلم سوسائٹی میں شامل ہیں ۔مزید اہم خبریں
-
پی ٹی اے کی مجوزہ کلاس ویلیو ایڈڈ سروسز (سی وی اے ایس) لائسنس ٹیمپلیٹ پر آل پاکستان نیٹ ورک ایسوسی ایشن
-
بشریٰ بی بی کی بنی گالہ سے اڈیالہ جیل منتقلی کی درخواست دوبارہ بحال، سماعت 22 اپریل کو ہوگی
-
اڈیالہ جیل پر دہشتگردوں کے حملہ کی اطلاعات ہیں، وزارت داخلہ نے عدالت میں رپورٹ جمع کروادی
-
پاکستانی حکومت کے تحفظات پر ان کے ساتھ مل کر کام کر رہے ہیں، سوشل میڈیا پلیٹ فارم ایکس کا بیان
-
نوازشریف کہتے ہیں ہمسائے سے لڑائی نہیں کرنی، مریم نواز
-
حزب اللہ کا حملہ: متعدد اسرائیلی فوجی زخمی، چھ کی حالت نازک
-
پاکستانی حکومت کے تحفظات جاننے کی کوشش کر رہے ہیں، ایکس
-
فلسطین کی مکمل رکنیت کے لیے اقوام متحدہ میں ووٹنگ آج
-
بہادری کا مظاہرہ کرنے والے پاکستانی کے لیے آسٹریلوی شہریت
-
تمام متعلقہ وزارتیں و شعبے ان منصوبوں میں گورنمنٹ ٹو گورنمنٹ معاہدوں کے ساتھ بزنس ٹو بزنس منصوبوں پر خصوصی توجہ دیں،وزیر اعظم
-
پارلیمنٹ کا مشترکہ اجلاس،آصف زرداری کے خطاب کے دوران پی ٹی آئی اراکین کا شورشرابہ واحتجاج
-
چیلنجز پر قابو پانا نا ممکن نہیں‘ دانشمندی اور پختگی کی ضرورت ہے، صدر زرداری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.