چودھری شجاعت حسین اور پرویزالٰہی سے امریکی قونصل جنرل کی ملاقات، ملکی سیاسی صورتحال پر تبادلہ خیال

بدھ 11 اکتوبر 2017 17:50

لاہور۔11 اکتوبر(اُردو پوائنٹ اخبارتازہ ترین - اے پی پی۔ 11 اکتوبر2017ء)پاکستان مسلم لیگ کے صدر و سابق وزیراعظم چودھری شجاعت حسین اور سینئرمرکزی رہنما و سابق نائب وزیراعظم چودھری پرویزالٰہی سے امریکی قونصل جنرل لاہور الزبتھ کے ٹروڈو Elizabeth K. Trudeau اور پولیٹیکل آفیسر این میسن نے یہاں ان کی رہائش گاہ پر ملاقات کی اور موجودہ ملکی سیاسی صورتحال پر تبادلہ خیال کیا گیا، اس موقع پر امریکن قونصل جنرل نے چودھری پرویزالٰہی کے بطور وزیراعلیٰ پنجاب پانچ سالہ دور حکومت کو سراہتے ہوئے کہا کہ آپ نے صحت، تعلیم اور عوامی فلاح کے میدان میں بڑی ترقی کی تھی، ان منصوبوں کو ہماری حکومت نے بھی سراہا تھا۔

1122 کی تعریف کرتے ہوئے انہوں نے کہا کہ اس طرح کے ادارے کی پاکستان کے دوسرے حصوں میں بھی اشد ضرورت ہے۔

(جاری ہے)

چودھری شجاعت حسین اور پرویزالٰہی نے مہمانوں کا استقبال کرتے ہوئے ان کا شکریہ ادا کیا۔ انہوں نے کہا کہ پاک امریکہ تعلقات میں مزید بہتری کی ضرورت ہے، دونوں حکومتوں کو عوامی فلاحی منصوبوں پر مل کر کام کرنے سے ترقی کی نئی راہیں کھلیں گی، پاکستان میں غربت کے خاتمے کیلئے امریکہ صحت، تعلیم اور دیگر شعبوں میں تعاون کر سکتا ہے، دونوں ملکوں کے درمیان باہمی تجارت کو فروغ دیا جانا چاہئے تاکہ عوامی ہم آہنگی میں اضافہ ہو۔

Facebook Twitter Google + Share on Whatsapp

چودھری شجاعت حسین اور پرویزالٰہی سے امریکی قونصل جنرل کی ملاقات، ملکی سیاسی صورتحال پر تبادلہ خیال

مزید اہم خبریں