پاکستان اور امریکہ ملکر خطہ میں پائیدار امن و استحکام کے مقاصد حاصل کرسکتے ہیں،پاکستان امریکہ کو اپنا دیرینہ دوست تصور کرتا ہے،بھارت کیساتھ بامعنی مذاکرات چاہتے ہیں‘ افغانستان میں امن و استحکام کا حصول خطے میں پائیدار امن کیلئے ضروری ہے‘
امریکہ دہشت گری کیخلاف جنگ میں پاکستان کی قربانیوںکو تسلیم کرے‘ پاکستان دنیا کا واحد ملک ہے جو دہشت گردی کیخلاف جنگ جیت رہا ہے‘ امریکہ ویت نام جنگ ہار چکا ہے اور امریکی پالیسی میں کوئی تبدیلی نہیں آئی تو افغان جنگ بھی ہار جائیگا وزیر خارجہ خواجہ آصف کا واشنگٹن میں یو ایس انسٹی ٹیوٹ آف پیس میں خطاب
جمعہ 6 اکتوبر 2017 01:32
(جاری ہے)
جمعرات کو واشنگٹن میں یو ایس انسٹی ٹیوٹ آف پیس میں خطاب کرتے ہوئے انہوں نے کہا کہ پاکستان اور امریکہ ملکر خطے میں پائیدار امن و استحکام اور خوشحالی کے مقاصد حاصل کرسکتے ہیں۔
پاکستان امریکہ کو اپنا دیرینہ دوست تصور کرتا ہے تاہم دو طرفہ تعلقات کو مزید مستحکم کرنیکی ضرورت ہے۔انہوں نے کہا کہ ہماری مسلح افواج نے دہشت گردی کیخلاف کامیاب جنگ لڑی ہے اور پاکستان دنیا کا واحد ملک ہے جو یہ جنگ جیت رہا ہے۔انہوں نے کہا کہ حقیقت میں امریکہ ویت نام جنگ ہار چکا ہے اور امریکہ کی ہی پالیسی جاری رہی تو افغان جنگ بھی ہار جائیگا۔انہوں نے کہا کہ پاکستان نے دہشت گردی کیخلاف جنگ میں امریکہ اور انکے اتحادیوں سے زیادہ قربانیاں دی ہیں اور ملکی معیشت کو اربوں ڈالر کا نقصان پہنچایا ہے۔انہوںنے کہا کہ دہشت گردی کیخلاف کامیاب جنگ سے دہشت گرد حملوں اور اموات میں کمی آئی ہے جبکہ پاکستان کی معیشت تیزی سے ترقی کی جانب گامزن ہے اور آئندہ سالوں میں گروتھ میں مزید اضافہ متوقع ہے،اسکے علاوہ غیر ملکی سرمایہ کار پاکستان میں سرمایہ کاری میں دلچسپی لے رہے ہیں۔پاکستان آج ایک فعال اور متحرک جمہوریت ہے۔انہوں نے کہا کہ علاقائی اقتصادی استحکام کو مستحکم کرنا ہماری ترجیحات میں شامل ہے‘ پاکستان اور امریکہ ملکر علاقائی امن و استحکام میں اہم کردار ادا کرسکتے ہیں۔افغانستان میں امن خطے میں امن و استحکام کیلئے ضروری ہے۔افغانستان کیساتھ بارڈر منیجمنٹ، فنسنگ، منشیات کی سمگلنگ اور دہشت گردوں کی روک تھام اہم چیلنجز ہیں۔افغانستان کے حوالے سے انہوں نے کہا کہ افغانستان گزشتہ کئی دہائیوں سے عدم استحکام کا شکار ہے‘ افغانستان میں داعش سمیت دیگر دہشت گرد تنظیموں کی محفوظ پناہ گاہیں قائم ہیں۔خواجہ آصف نے کہا کہ افغانستان میں امریکہ اور اتحادیوں کی موجودگی کے باوجود منشیات کی پیداوار اور دہشت گرد حملوں میں اضافہ ہوا۔امریکہ نے اربوں ڈالر خرچ کرنے کے باوجود مقاصد حاصل نہیں کئے جبکہ افغان پولیس طالبان کو ہتھیار فروخت کرنے میں ملوث ہیں۔انہوں نے کہا کہ افغاستان میں امن پاکستان کے بہترین مفاد میں ہے ۔کشمیر کے حوالے سے وزیر خارجہ نے کہا کہ مقبوضہ کشمیر میں کشمیری کئی دہائیوں سے بھارت کی ریاستی دہشت گردی کا سامنا کر رہے ہیں،بھارتی فورسز کے مظالم،جبری گمشدگیاں،ماورائے عدالت قتل اور پیلٹ گنز کے ذریعے سینکڑوں نوجوانوں کو بصارت سے محروم کرنے کا سلسلہ آج بھی جاری ہے۔انہوں نے کہا کہ کشمیر کا مسئلہ پاکستان اور بھارت کے مابین بنیادی تنازعہ ہے،بھارت کیساتھ بامعنی مذاکرات چاہتے ہیں۔ پاک روس تعلقات کے حوالے سے ایک سوال کا جواب دیتے ہوئے انہوں نے کہا کہ روس اور چین خطے کے اہم پلیئرز ہیں اور روس کیساتھ ہمارے خوشگوار تعلقات ہیں جبکہ روس افغان مسئلے کے حل میں اہم کردار ادا کرسکتا ہے۔انہوں نے کہا کہ پاکستان میں جمہوریت کو کوئی خطرہ نہیں ہماری پارلیمنٹ انتہائی متحرک اور میڈیا انتہائی فعال ہے۔مزید اہم خبریں
-
وزیر اعظم کے دورہ سعودی عرب کا امکان
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
اٹک ریفائنری بند ہونے کے دہانے پر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.