بھارتی فوج کی کنٹرول لائن پر ایک بار پھر بلا اشتعال فائرنگ ،ْدیہی آبادی کو نشانہ بنایا ،ْ فائرنگ سے دو بچے شہید

بھارتی فوج نے کنٹرول لائن پرکاکوٹا، شفر، سیریان، ناراکوٹ کی آبادی کو نشانہ بنایا ،ْ پاک فوج کی جوابی کارروائی ،ْ بھارتی توپیں خاموش پاک فوج کی جوابی کارروائی میں 3 بھارتی فوجیوں کی ہلاکت اور 5 کے زخمی ہونے کی اطلاع ،ْ بھارتی چوکیوں کو شدید نقصان پہنچا

بدھ 4 اکتوبر 2017 13:32

راولپنڈی /راولا کوٹ (اُردو پوائنٹ اخبارتازہ ترین - این این آئی۔ 04 اکتوبر2017ء) بھارتی فوج نے کنٹرول لائن پر ایک بار پھر بلا اشتعال فائرنگ کرتے ہوئے دیہی آبادی کو نشانہ بنایا، فائرنگ سے دو بچے شہید ہوگئے۔آئی ایس پی آر کے اعلامیہ کے مطابق بھارتی فوج نے راولا کوٹ اورچڑی کوٹ سیکٹر میں بلااشتعال فائرنگ کر دی، جس میں دیہی آبادی کو نشانہ بنایا گیا، فائرنگ سے دو بچے شہید ہو گئے۔

(جاری ہے)

آئی ایس پی آر کے مطابق بھارتی فوج نے کنٹرول لائن پرکاکوٹا، شفر، سیریان، ناراکوٹ کی آبادی کو نشانہ بنایا۔بھارتی مارٹر گولے گائوں شفرمیں سخی کیانی کے گھر پرگرے۔پاک فوج کی جانب سے بھارتی فوج کی اشتعال انگیزی کا بھرپور جواب دیا گیا جس سے دشمن کی توپیں خاموش ہوگئیں۔آئی ایس پی آر کے مطابق کنٹرول لائن پر فائرنگ کا سلسلہ وقفے وقفے سے جاری رہا اور بھارتی اشتعال انگیزی کے بعد پاک فوج کی چوکیوں سے بھارتی چوکیوں کے خلاف موثر کارروائی کی جاتی رہی جس پاک فوج کی جوابی کارروائی میں 3 بھارتی فوجیوں کی ہلاکت اور 5 کے زخمی ہونے کی اطلاع ہے جبکہ بھرپور جوابی کارروائی میں بھارتی چوکیوں کو شدید نقصان پہنچا ہے۔