پشاور ہائیکورٹ نے چوہے کاٹنے کی ویکسین کی عدم دستیابی پر محکمہ صحت سے رپورٹ طلب کرلی

منگل 3 اکتوبر 2017 19:00

پشاور(اُردو پوائنٹ اخبارتازہ ترین - این این آئی۔ 03 اکتوبر2017ء) پشاور ہائی کورٹ نے چوہے کاٹنے کی ویکسین کی عدم دستیابی پر محکمہ صحت سے رپورٹ طلب کرلی ۔پشاور ہائی کورٹ میں چوہوں سے متعلق کیس کی سماعت چیف جسٹس یحی آفریدی اور جسٹس غضنفر علی خان نے کی ۔ عدالت میں ایڈیشنل ایڈوکیٹ جنرل محی الدین پیش ہوئے ۔

(جاری ہے)

عدالت نے اسپتالوں میں چوہا کے کاٹنے کی ویکیسن دستیاب نہ ہونے پر محکمہ صحت سے رپورٹ جمع کرانے کا حکم دے دیا ۔ کاٹنے کی ویکسین کی اسپتالوں میں غیر دستیابی کے خلاف ڈاکٹر ہارون نے رٹ کر رکھی ہے ۔ درخواست گزار کا موقف ہے کہ چوہے کے کاٹنے سے کئی ہلاکتوں کے باوجود ویکسین موجود ن ہیں۔ شہر میں چوہوں کی تعداد بھی بڑھ رہی ہے جس سے خدشات بھی زیادہ ہیں۔