مسلم لیگ (ن) کسی کو اپنا لیڈر چھیننے کی اجازت نہیں دے گی، جمہوریت اور سیاسی سسٹم ناقابل تجربہ کار قیادت کا متحمل نہیں ہو سکتا، عمران خان اپنی ہی جماعت کیلئے بوجھ بنے ہوئے ہیں، ایل او سی پر واقعات کا مقصد پاکستان کو الجھانا ہے، بھارت کو مسئلہ کشمیر سے راہ فرار اختیار نہیں کرنے دیں گے،بھارت کو آخر کار مذاکرات کی میز پر آنا ہی ہو گا

مسلم لیگ (ن) کے رہنمائوں احسن اقبال اور پرویز رشید کا بیان

ہفتہ 30 ستمبر 2017 17:26

اسلام آباد (اُردو پوائنٹ اخبارتازہ ترین - آئی این پی۔ 30 ستمبر2017ء) پاکستان مسلم لیگ (ن) کے رہنمائوں نے کہا ہے کہ مسلم لیگ (ن) کسی کو اپنا لیڈر چھیننے کی اجازت نہیں دے گی، جمہوریت اور سیاسی سسٹم ناقابل تجربہ کار قیادت کا متحمل نہیں ہو سکتا، عمران خان اپنی ہی جماعت کیلئے بوجھ بنے ہوئے ہیں، کنٹرول لائن پر واقعات کا مقصد پاکستان کو الجھانا ہے، بھارت کو مسئلہ کشمیر سے راہ فرار اختیار نہیں کرنے دیں گے،بھارت کو آخر کار مذاکرات کی میز پر آنا ہی ہو گا۔

(جاری ہے)

ہفتہ کو وزیر داخلہ احسن اقبال نے اپنے بیان میں کہا کہ پاکستان دہشت گردی کے خلاف جنگ میں مصروف ہے، کنٹرول لائن پر واقعات کا مقصد پاکستان کو الجھانا ہے، بزدلانہ کاروائیوں سے ہمارے حوصلے پست نہیں ہوں گے، بھارت کو مسئلہ کشمیر سے راہ فرار اختیار نہیں کرنے دیں گے، بھارت کو آخر کار مذاکرات کی میز پر آنا ہو گا۔ مسلم لیگ کے رہنما پرویز رشید نے کہا کہ سڑکوں پر آنے کی دھمکیاں دینے والا چار سال سے سڑکوں پر ہے،عمران خان اپنی ہی جماعت کیلئے بوجھ بنے ہوئے ہیں، جمہوریت اور سیاسی سسٹم ناقابل تجربہ کار قیادت کا متحمل نہیں ہو سکتا، مسلم لیگ(ن) اپنا لیڈر چھیننے کی اجازت کسی کو نہیں دے گی۔