بہاولنگر، سیشن جج ہارون آباد نے قتل کے مقدمے میں جرم ثابت ہونے پر ایک ملزم کو سزائے موت جبکہ ایک ملزم کو عمر قید اور 3،3لاکھ روپے جرمانہ کی سزا سنادی

جمعہ 29 ستمبر 2017 20:33

بہاولنگر(اُردو پوائنٹ اخبارتازہ ترین - آئی این پی۔ 29 ستمبر2017ء) ایڈیشنل ڈسٹرکٹ اینڈ سیشن جج ہارون آباد نے قتل کے مقدمے میں جرم ثابت ہونے پر ایک ملزم کو سزائے موت جبکہ دوسرے ملزم کو عمر قید اور 3،3لاکھ روپے جرمانہ کی سزا سنادی ۔

(جاری ہے)

تفصیلات کے مطابق ایڈیشنل ڈسٹرکٹ اینڈ سیشن جج صابر سلطان پاشا نے تھانہ فقیروالی میں درج ایف آئی آر زیر دفعہ 302/109،148/149ت پ کے زیر تحت ملزمان محمد احمد عرف بگی کو سزائے موت اور تین لاکھ روپے جرمانہ جبکہ اسی مقدمے میں ملوث دوسرے ملزم محمد صابر کو عمر قید اور تین لاکھ روپے جرمانے کی سزا سنادی ہے ۔

عدم ادائیگی پر دونوں ملزمان کو مزید 6،6ماہ کی قید کاٹنا ہوگی ۔واضح رہے کہ ملزمان نے کچھ عرصہ قبل فقیروالی میں دیرینہ دشمنی پر وقار احمد نامی شخص کو فائرنگ کرکے قتل کردیا تھا ۔