سپریم کورٹ پر حملہ کرنے والی ن لیگ کل پھر عدلیہ کو آنکھیں دکھا رھی ہے، نثار کھوڑو

آمریت کے سامنے سر نہ جھکانے کے دعوے جھوٹ ہیں، نوازشریف جیل میں مچھروں کے ڈر سے آمر کے ساتھ 10 سال معاہدہ کرکے ملک سے فرار ہوئے تھے، ماضی میں وزرائے اعظم کے خلاف سازشوں کے مرکزی کردار نوازشریف ہی تھے، گفتگو

منگل 26 ستمبر 2017 20:02

سپریم کورٹ پر حملہ کرنے والی ن لیگ کل پھر عدلیہ کو آنکھیں دکھا رھی ..

کراچی(اُردو پوائنٹ اخبارتازہ ترین - آئی این پی۔ 26 ستمبر2017ء) پیپلز پارٹی سندھ کے صدر و سینئر وزیر نثار کھوڑو نے کہا ہے کہ ماضی میں سپریم کورٹ پر حملہ کرنے والی ن لیگ کل پھر عدلیہ کو آنکھیں دکھا رھی ہے۔ نوازشریف کے آمریت کے سامنے سر نہ جھکانے کے دعوے جھوٹ ہیں۔ نوازشریف جیل میں مچھروں کے ڈر سے آمر کے ساتھ 10 سال معاہد ہ کرکے ملک سے فرار ہوئے تھے۔

ماضی میں وزرائے اعظم کے خلاف سازشوں کے مرکزی کردار نوازشریف ہی تھے۔ میاں صاحب قوم سے پھر جھوٹ بول رھے ہیں۔ میاں صاحب قوم کو یہ بھی بتائیںکے آئی جے آئی کس نے بنوائی۔

(جاری ہے)

نوازشریف نے آمریت میں اپیلوں کے حق کی بات کرکے آمروں کا ساتھی ہونے کا ثبوت دے دیا ہے۔ نوازشریف کا ملک سے لوڈشیڈنگ ختم ہونے کا دعوی بھی جھوٹ کا پلندہ ہے۔میاں صاحب سندھ میں تو 14 ،14گھنٹے بجلی ہی نہیں ہے۔

قوم سے جھوٹ بولنے والہ نااھل شخص نااھل ہی رھے گا۔سی پیک نوازشریف کا نہیں آصف علی زرداری کا کارنامہ ہے۔این ای 120 پر ن لیگ فتح اصل میں ان کی شکست ثابت ہوئی ہے۔ ن لیگ این اے 120 پر 90 ھزار ووٹوں سے 60 ھزار ووٹوں پر آچکی ہے۔ نوازشریف کی ساست کا خاتمہ ہوچکا ہے۔2018 میں بلاول بھٹو سیاسی افق پر ابھرنے والہ ستارہ ہونگے۔