مہنگا ٹماٹر خریدار پریشان، سوشل میڈیا پر بائیکاٹ مہم شروع

منگل 26 ستمبر 2017 18:27

لاہور (اُردو پوائنٹ اخبارتازہ ترین - این این آئی۔ 26 ستمبر2017ء) ٹماٹر وں کی قیمتیں بڑھنے سے سوشل میڈیا پر بھی بائیکاٹ پارٹی سرگرم ہوگئی ۔تفصیلات کے مطابق ملک میں آج کل ٹماٹروں کی قیمتیں آسمان سے باتیں کررہی ہیں، کہیں ٹماٹر 200 روپے فی کلو پر فروخت ہورہا ہے تو کہیں اس سے اوپر اور نیچے کی قیمتوں پر بھی فروخت جاری ہے۔

(جاری ہے)

لال ٹماٹر کی قیمتیں سن کر خریدار بھی غصے سے لال پیلے ہورہے ہیں لیکن مارکیٹ میں قیمتیں اوپر نیچے ہونے کا سلسلہ جاری ہے۔

ٹماٹر کی بڑھتی ہوئی قیمتوں کو دیکھ کر اب سوشل میڈیا پر رمضان المبارک میں چلنے والی فروٹ بائیکاٹ مہم کی طرح ٹماٹر بائیکاٹ مہم شروع ہوگئی ہے جس کے تحت 26،27،28 ستمبر کو بائیکاٹ کا اعلان کیا گیا ہے۔عوام نے ٹماٹروں کی قیمتیں بڑھنے پر جہاں غصے کا اظہار کیا ہے ۔وہیں دکانداروں کا کہنا ہے کہ انہیں سبزی منڈی سے ہی زیادہ قیمت میں ٹماٹر مل رہے ہیں جس کی وجہ سے وہ مہنگے ٹماٹر بیچنے پر مجبور ہیں۔

Facebook Twitter Google + Share on Whatsapp

مہنگا ٹماٹر خریدار پریشان، سوشل میڈیا پر بائیکاٹ مہم شروع

متعلقہ عنوان :

مزید اہم خبریں