ٹرمپ نے ہمارے خلاف اعلان جنگ کیا ہے-شمالی کوریا

میاں محمد ندیم منگل 26 ستمبر 2017 13:30

نیویارک (اردوپوائنٹ اخبارتازہ ترین-انٹرنیشنل پریس ایجنسی۔26 ستمبر۔2017ء) شمالی کوریا کے وزیرخارجہ ری یونگ ہو نے کہا ہے کہ امریکی صدر ڈونلڈ ٹرمپ نے ان کے ملک کے خلاف اعلان جنگ کیا ہے جس کے جواب میں شمالی کوریا امریکی بمبار طیاروں کو مار گرانے کا حق رکھتا ہے۔ یہ ایسی صورت میں بھی ہوسکتا ہے جب وہ شمالی کوریا کی فضائی حدود میں نہ ہوں۔

(جاری ہے)

نیویارک میں صحافیوں سے گفتگو کرتے ہوئے ری یونگ ہونے کہاکہ دنیا کو اچھی طرح سے یاد رکھنا چاہیے کہ امریکہ نے پہلے اعلان جنگ کیا ہے۔

دوسری جانب وائٹ ہاﺅس کی جانب سے جاری بیان میں شمالی کوریا کے وزیرخارجہ کے بیان کو مضحکہ خیزقرار دیا ہے۔ پینٹا گان نے پیانگ یانگ کو خبر دار کیا ہے کہ وہ اشتعال انگیزی سے باز رہے۔اقوامِ متحدہ کے ترجمان نے موقعے پر کہا ہے کہ دونوں ممالک کے جانب سے شعلہ بیانی مہلک غلط فہمیوں کو جنم دے گی۔

Facebook Twitter Google + Share on Whatsapp

ٹرمپ نے ہمارے خلاف اعلان جنگ کیا ہے-شمالی کوریا

متعلقہ عنوان :

مزید اہم خبریں