نارتھ کراچی میں گتے کی فیکٹری میں لگنے والی آگ پر 12گھنٹے بعد قابو پا لیا گیا

پیر 25 ستمبر 2017 13:38

کراچی ۔ (اُردو پوائنٹ اخبارتازہ ترین - اے پی پی۔ 25 ستمبر2017ء) نارتھ کراچی میں گتے کی فیکٹری میں لگنے والی آگ پر 12گھنٹے بعد قابو پا لیا گیا،تاہم آگ سے کوئی جانی نقصان نہیں ہوا۔فائر بریگیڈ حکام کے مطابق نارتھ کراچی میں شفیق موڑ کے قریب گتے کی فیکٹری میں اتوار اور پیر کی درمیانی شب اچانک آگ بھڑک اٹھی جس نے پوری فیکٹری کو اپنی لپیٹ میں لے لیا۔

(جاری ہے)

فائر بریگیڈ کی 15گاڑیوں نے 12گھنٹوں کی طویل جدوجہد کے بعد آگ پر قابو پا لیا جبکہ کولنگ کا عمل ابھی بھی جاری ہے۔ گودام کے مالک کا کہنا ہے کہ آگ اتوار کی شام 7بجے لگی جسکی فوری اطلاع دی گئی مگر فائر بریگیڈ کا عملہ تاخیر سے آیا جس کے باعث آگ نے پوری فیکٹری کو اپنی لپیٹ میں لے لیا۔چیئرمین وسطی ریحان ہاشمی بھی اس جگہ پہنچے ان کا کہنا تھا سہولیات کی کمی کی وجہ سے ایمرجنسی میں تاخیر کا سامنا کرنا پڑتا ہے ۔

Facebook Twitter Google + Share on Whatsapp

نارتھ کراچی میں گتے کی فیکٹری میں لگنے والی آگ پر 12گھنٹے بعد قابو پا لیا گیا

متعلقہ عنوان :

مزید قومی خبریں