وزیر خزانہ سینیٹر اسحاق ڈار احتساب عدالت میں پیشی کے موقع پر میڈیا سے گفتگو کئے بغیر روانہ

کیا آپ استعفیٰ دے دیں گے ، صحافیوں کے سوال پر ڈار کی خامو شی

پیر 25 ستمبر 2017 12:08

وزیر خزانہ سینیٹر اسحاق ڈار احتساب عدالت میں پیشی کے موقع پر میڈیا ..
اسلام آباد (اُردو پوائنٹ اخبارتازہ ترین - آئی این پی۔ 25 ستمبر2017ء) وزیر خزانہ سینیٹر اسحاق ڈار احتساب عدالت میں پیشی کے موقع پر میڈیا سے گفتگو کئے بغیر روانہ ہوگئے۔ صحافیوں نے اسحاق ڈار سے پوچھا کہ کیا آپ استعفیٰ دے دیں گے جس پر وزیر خزانہ نے خاموشی اختیار کی تاہم ایک سوال کے جواب پر انہوں نے کہا کہ مجھے کسی قسم کی کوئی پریشانی نہیں اور میڈیا سے بات کئے بغیر روانہ ہوگئے۔

(جاری ہے)

پیر کو اسحاق ڈار اپنے وکیل امجد پرویز کے ہمراہ جوڈیشل کمپلیکس پہنچے اور آمدن سے زائد اثاثوں کے ریفرنس میں احتساب عدالت میں پیش ہوئے۔ عدالت پیشی سے واپسی پر صحافیوں نے اسحاق ڈار سے بات چیت کی کوشش کی تاہم انہوں نے میڈیا سے بات کرنے سے گریز کیا اس دوران میڈیا کے نمائندوںنے اسحاق ڈار سے پوچھا کہ کیا وہ وزارت سے استعفیٰ دے دیں گے جس کا انہوں نے کوئی جواب نہیں دیا۔ ایک صحافی نے پوچھا کہ وزیر خزانہ صاحب آپ پریشان تو نہیں ہیں جس پر اسحاق ڈار نے کہا کہ مجھے کوئی پریشانی نہیں اس کے بعد وہ جوڈیشل کمپلیکس سے روانہ ہوگئے۔

متعلقہ عنوان :