نواز شریف وطن واپس آئینگے اور بہت سے لوگوں کی امیدوں پر پانی پھیریں گے ‘ایاز صادق
آئین میں عبوری حکومت کی کوئی گنجائش نہیں ،کوئی بھی سیاسی جماعت ایسے کسی بھی فیصلے کو تسلیم نہیں کرے گی سینیٹ میں ترامیم کے باعث انتخابی اصلاحات بل دوبارہ قومی اسمبلی کے پاس آئیگا ،چند روز تک قومی اسمبلی کا اجلاس ہوگا ابھی تک (ن) لیگ کے قائد نواز شریف ہی ہیں ،چوہدری نثار سینئر لیڈر ہیں اور رہیں گے ‘ اسپیکر قومی اسمبلی کی میڈیا سے گفتگو
اتوار 24 ستمبر 2017 18:30
(جاری ہے)
پورے ملک میں وزیر اعظم نواز شریف کے جو نعرے لگتے ہیں یہ دلوں کی آواز ہے ۔
سپریم کورٹ کے فیصلے پر عملدرآمد کر دیا گیا ہے لیکن بطور کارکن میں بھی اس فیصلے سے اتفاق نہیں کرتا اور میرے منہ سے بھی بار بار نواز شریف وزیر اعظم ہی نکلتاہے ۔ یہ دلوں کے معاملے ہیں او رجب دل جڑے ہوں تو انہیں ایک دوسرے سے چھڑانا اور ہٹانا مشکل ہوتا ہے ۔ انہوںنے اس سوال کہ نواز شریف نیب کے دونوٹسز ملنے پر ہی بیرون ملک چلے گئے پر سوال سمجھ نہ آنے کی طرح جواب دیتے ہوئے کہا کہ ’’کیا پرویزمشرف چلے گئے ‘‘ ۔ آپ جانتے ہیں کہ میں بھی دو روز لندن گیا تھا اور اس وقت بیگم کلثوم نواز کی دو آپریشن ہوئے تھے اور اب ان کا تیسرا آپریشن ہوا ہے او رانہیں گھر منتقل کیا گیا ہے جیسے ہی یہ مراحل ختم ہوں گے نواز شریف نہ صرف ملک میں واپس آئیں گے بلکہ ہر چیز کا سامنا بھی کریں گے۔ انہوںنے انتخابی اصلاحات کے بل کے حوالے سے سوال کے جواب میں کہا کہ قومی اسمبلی نے بل کی تمام شقوں پر اتفاق رائے سے منظوری دی جس کے بعد یہ سینیٹ میں گیا ،وہاں کچھ ترامیم ہوئی ہیں اور اب یہ بل دوبارہ قومی اسمبلی کے پاس آئے گا اور آئندہ چند روز میں قومی اسمبلی کا اجلاس ہونا ہے جس میں انہیں دیکھا جائے گا ۔ اب الیکشن کمیشن کی ذمہ داری ہے کہ وہ اس بل کے تناظر میں اپنے سٹاف کی تربیت کرے ۔ انہوں نے کہا کہ (ن) لیگ کے لیڈر صرف نواز شریف ہی ہیں اور اس کے بعد شہباز شریف ہیں ۔ قیادت نے فیصلہ کرنا ہے کہ لیڈر شپ کسی دینی ہے تاہم ابھی تک قیادت نواز شریف کے پاس ہی ہے ۔ انہوںنے کہا کہ وزیر اعظم کے نام کیلئے ہونے والی مشاورت میں بھی موجود تھا اور کارکردگی بہتر ہونے پر سب نے شاہد خاقان عباسی کا نام تجویز کیا ۔ شاہد خاقان عباسی نے خود کہا تھاکہ آپ یہ ذمہ داری کسی او رکو سونپ دیں ۔ اجلاس میں یہ فیصلہ ہوا تھاکہ شہباز شریف کی صوبے میں کارکردگی اچھی ہے اس لئے انہیں وہاں سے الگ نہ کیا جائے اور انہیں بطور وزیراعلیٰ پنجاب ذمہ داری ادا کرنے دی جائے اور شاہد خاقان عباسی بطور وزیر اعظم اسلام آباد میں کام کریں ۔انہوںنے کہا کہ چوہدری نثار علی خان مسلم لیگ (ن) کے سینئر لیڈر ہیں اور رہیں گے، وہ ایشوز پر اعتراضات بھی کریں گے لیکن میں وثوق سے کہتا ہوں کہ انہوںنے مجھے خود کہا ہے کہ میری جماعت (ن) لیگ اور میرے قائد نواز شریف ہیں ۔ انہوںنے سانحہ ماڈل ٹائون کے حوالے سے سوال کے جواب میں کہا کہ ورثاء کو انصاف ملنا چاہیے لیکن یہ معاملہ عدالت میں ہے اس لئے اس پر تبصرہ نہیں کیا جا سکتا ۔ انہوں نے کہا کہ میں دوبارہ دہرا دیتا ہوں کہ (ن) لیگ کے قائد نواز شریف ہیں او رجس دن عدالت کا فیصلہ آیا اس دن چوہدری نثار علی خان نواز شریف کے ساتھ موجود تھے۔ اسپیکر سردارایاز صادق نے کہا کہ عمران خان کا کیس عدالت میں ہے اور چند روز تک اس کا بھی پتہ چل جائے گا۔ انہوںنے پرویز مشرف کے آصف زرداری پر الزامات بارے سوال کے جواب میں کہا کہ پرویز مشرف صدر مملکت اور چیف آف آرمی سٹاف تھے اس وقت ان کی ذمہ داری بنتی تھی لیکن وہ آج کیوں انکشاف کر رہے ہیں وہ صرف ا س کا جواب دیدیں باقی جواب آتے رہیں گے۔ انہوںنے کہا کہ میرے پاس گیمز کھیلنے اور دیکھنے کا وقت نہیں ہوتا میں قومی اسمبلی اور سینیٹ میں سیاسی گیم دیکھتا ہوں ۔ انہوں نے کہا کہ نواز شریف پہلے بھی لندن اور سعودی عرب میں تھے تو مشاورت چلتی رہتی تھی اب تو لندن میں چھوٹی موٹی مشاورتی میٹنگز ہو رہی ہیں وہ ضرور واپس آئیں گے اور لوگوں کی امیدوں پر پانی بھی پھیریں گے۔ انہوںنے ایک سوال کے جواب میں کہا کہ داعش اور طالبان کی باتیں بڑی تکلیف دہ ہیں ، سب پاکستانیوں کو اپنے گلی محلوں میں چوکنا رہنا ہوگا تاکہ اس طرح کے لوگ پاکستان کی دہلیز پر آ کر اس طرح کا کام نہ کریں،بینرز لگنے کے معاملات کی تحقیقات ہوں گی۔ ہر سیاستدان کو دہشتگردی کے خلاف لڑنا ہے اس جنگ میں کامیابی کے لئے قوم کا اتحاد نا گزیر ہے ۔ انہوںنے کہا کہ ہم تو 2013ء کے بعد سے ہر روز الیکشن لڑ رہے ہیںاور جیت بھی رہے ہیں۔ جہاں تک عبوری سیٹ اپ کی بات ہے تو آئین میں اس کی کوئی گنجائش نہیں اور کوئی بھی سیاسی جماعت اسے قبول نہیں کر ے گی ۔عدالتوں سے پہلے آمروں کو سہولت دی گئی ،اب ایسے معاملات کو تسلیم نہیں کیاجائے گا ۔ انہوںنے کہا کہ ہمیںنوجوان شہید لیفٹیننٹ کا شکریہ ادا کرنا چاہیے جس نے اپنی جان کا نذرانہ دے کر ملک کو محفوظ بنایا ۔ اس موقع پر شہید لیفٹیننٹ ارسلان عالم کی روح کے ایصال ثواب کے لئے فاتحہ خوانی بھی کی گئی۔متعلقہ عنوان :
مزید اہم خبریں
-
ریٹائرمنٹ کے بعد قانونی رکاوٹ توڑنے اور غلط بیانی کا کیس
-
سیاسی اور معاشی استحکام عمران خان کے بغیر نہیں آسکتا
-
مینار پاکستان پر کبوتر اڑانے والے کے ہاتھوں کے طوطے اڑ گئے ہیں‘شوکت بسرا
-
دوسری شادی کیلئے پہلی بیوی سے اجازت ضروری نہیں، فتویٰ جامعہ نعیمیہ
-
تنخواہوں کی مد میں 513ارب73کروڑ ،392ارب10کروڑ پنشن کی مد میں خرچ ہونگے
-
کسانوں کو ٹیوب ویل کے لئے سولر پینل دینے کا اصولی فیصلہ،مریم نوازشریف نے پلان طلب کرلیا
-
عارضی اقدامات کافی نہیں ،پرائس کنٹرول کے لئے ٹھوس پالیسی لائی جائے‘محمد نوازشریف
-
صوبائی کابینہ کا دوسرا اجلاس، بجٹ کی منظوری ،تاریخ کا بہترین رمضان پیکیج پیش کرنے پرمریم نوازشریف کو خراج تحسین
-
وزیراعلی پنجاب اورمحمد نواز شریف کی زیر صدارت خصوصی اجلاس،زراعت سے متعلق امور پر غور
-
ایف آئی اے کو درخواست دی ہے مجھے کچھ ہوا تو ذمہ دارشہباز شریف، مریم نوازہوں گے، شیر افضل مروت
-
امریکی سفیر ڈونلڈ بلوم کی وزیر خارجہ اسحاق ڈار سے ملاقات، دوطرفہ تعلقات پر گفتگو
-
عمران خان کی سزا کیخلاف اپیل: حکومت بتائے سائفر میں ایسا کیا لکھا ہی اسلام آباد ہائیکورٹ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.