وزیراعظم شاہد خاقان عباسی نے اقوام متحدہ کی جنرل اسمبلی کے خطاب کے موقع پر مسئلہ کشمیر کو بھرپور طریقے سے اُجاگر کیا ‘ برجیس طاہر
بھارت خطے میں انتشار ،بدامنی کو ہوا دے رہا ہے ،ایک طرف مقبوضہ کشمیر میں معصوم اور نہتے کشمیری عوام پر ظلم وستم کے پہاڑ توڑ رہا ہے تو دوسری جانب ایل او سی اور ورکنگ باونڈری پر آئے روز بلااشتعال فائرنگ سے ایک جنگ کی سی کیفیت قائم کیے ہوے ہے جو کسی المناک حادثے کا سبب بن سکتا ہے
ہفتہ 23 ستمبر 2017 19:34
(جاری ہے)
انہوں نے کہا کہ وزیراعظم نے محمدنوازشریف کے اسی موقف اور پالیسی کو بڑے جامع انداز میں اپنے جنرل اسمبلی کے خطاب کے دوران دُنیا کے سامنے رکھا۔
انہوںنے وزیراعظم کے جنرل اسمبلی کے خطاب کو سہراتے ہوئے کہا کہ وزیراعظم کے موثر اور جامع خطاب سے پاکستان کے موقف کو نہ صرف بامقصد انداز میں سنا گیا بلکہ اس کو پذیرائی بھی حاصل ہوئی ہے۔انہوںنے کہا کہ وزیراعظم نے دہشت گردی کے خلاف جنگ میں پاکستان کے کردار اور اس ضمن میں پاکستان کی قربانیوں کو بھی مضبوط انداز میں دُنیا کے سامنے پیش کیا۔ وفاقی وزیر نے کہا کہ افغانستان سے متعلق اپنی پالیسی پر بات کرتے ہوئے وزیراعظم نے دو ٹوک الفاظ میں واضح کیا کہ پاکستان کو افغانستان میں بھارت کا منفی کردار قابل قبول نہیں ہے اور یہ پاکستان کی سلامتی کے لیے خطرناک ہے ۔وفاقی وزیرنے کہا کہ بھارت خطے میں انتشار اور بدامنی کو ہوا دے رہا ہے جس میں ایک طرف وہ مقبوضہ کشمیر میں معصوم اور نہتے کشمیری عوام پر ظلم وستم کے پہاڑ توڑ رہا ہے تو دوسری جانب ایل او سی اور ورکنگ باونڈری پر آئے روز بلااشتعال فائرنگ سے ایک جنگ کی سی کیفیت قائم کیے ہوے ہے جو کسی المناک حادثے کا سبب بن سکتا ہے انہوں نے کہا کہ گزشتہ روز بھی بھارت نے ورکنگ باونڈری پر بے اشتعال فائرنگ کرکے خواتین سمیت چار افراد کو شہیدکر دیا ہے جب کہ اسی قسم کی فائرنگ کے واقعات ایل او سی پر روز کا معمول بن چکے ہیں جس کے نتیجے میں ایل او سی پر رہنے والے کشمیری بھارت کی بے اشتعال فائرنگ کا نشانہ بن رہے ہیں انہوںنے کہا کہ مقبوضہ کشمیر میں بھارت ڈیمو گرافی تبدیل کر نے کے لیے ایک مذموم سازش کے تحت معصوم کشمیریوں کی نسل کشی کر رہا ہے انہوں نے کہا کہ مقبوضہ کشمیر کے عوام روزانہ کی بنیاد پر اپنے پیاروں کے جنازے اٹھا رہے ہیں جبکہ بین الاقوامی برادری اپنے سیاسی و معاشی مفادات کے پیش نظر ہاتھ پر ہاتھ رکھے بیٹھی ہے انہوں نے کہا کہ پاکستان ایک ذمہ دار ملک ہے اور خطے میں موجودتناعات کا حل پرامن طریقے اور بامقصد مزاکرات کے ذریعے چاہتا ہے لیکن بھارت کا ہٹ دھرم رویہ اور اشتعال انگیزی اس کی راہ میں ایک بڑی رکارٹ ہیں۔ انہوں نے کہا کہ پاکستان کا ذمہ دار ملک ہونے کا اور کیا ثبوت ہو سکتا ہے کہ جس نے دُنیا سے دہشت گردی کے خطرات کے خاتمے کے لیے لازوال قربانیاں پیش کیں ہیں ۔انہوںنے کہاکہ دہشت گردی کے خلاف اس جنگ میں پاکستان نے ہزاروں جانوں کی قربانی پیش کی ہے جبکہ اس کی معیشت کو 120 ارب ڈالر کا نقصان اٹھانا پڑا ہے ، جس کی وجہ سے آج دُنیا کو القاعدہ جیسی دہشت گرد تنظیموں سے چھٹکارامل چکا ہے اور ملک کے کونے کونے پر حکومت کی رٹ قائم ہو چکی ہے انہوںنے کہاکہ امن کی وجہ سے میران شاہ جیسی جگہ پر بھی کرکٹ کے میچ کا کامیاب انعقاد کیا گیا جو اس خطے میں امن واستحکام کا واضح ثبوت ہے ۔انہوں نے کہا کہ پاکستان نے دُنیا کے امن کی خاطر اپنی استطاعت سے بڑھ کر قربانی دی ہے جس کو بین الاقوامی سطح پر سراہا جانا چاہیے ۔انہوںنے کہا کہ اب بین الاقوامی برادری پر بھاری ذمہ داری عائد ہوتی ہے کہ وہ دُنیا کے امن اور خصوصی طور پر جنوبی ایشیاء میں پائیدار امن کے قیام کے لیے اپنا مثبت کردار ادا کرتے ہوئے اقوام متحدہ کی سلامتی کونسل کی قرار داد کے مطابق مسئلہ کشمیر کے حل کے لیے بھارت پر دبائو ڈالے۔وفاقی وزیر نے کہا کہ وزیراعظم شاہد خاقان عباسی اورمسلم لیگ (ن) کی حکومت محمدنواز شریف کے وژن کے مطابق پاکستان کی ترقی وخوشحالی کے لیے اپنی کوششیں جاری رکھیں گے انہوں نے کہا کہ محمدنوازشریف نے دُنیا میں ہمیشہ پاکستان کا تشخص ایک ذمہ دار جمہوری ملک کے طور پر کرایا اور اسی پالیسی پر کاربند ہو کر وزیراعظم شاہد خاقان عباسی نے جنرل اسمبلی کے اجلاس کے موقع و دیگر سائڈ لائن میٹنگز میں قومی مفادات کو مدنظر رکھتے ہوئے پاکستان کے موقف کو دُنیا کے سامنے رکھا ہے جس میں انہیںکامیا بی حاصل ہوئی ہے۔مزید اہم خبریں
-
سعودی عرب کے نائب وزیر دفاع جنرل طلال بن عبداللہ آل سعود کی پاک فوج کے سربراہ جنرل سید عاصم منیر سے ملاقات، دفاعی تعاون کو مزید فروغ دینے کے اقدامات پر تبادلہ خیال
-
وفاقی وزیر داخلہ محسن نقوی کی کراچی کے علاقے لانڈھی میں خودکش حملے کی مذمت
-
عدالتوں میں زیر سماعت مقدمات کو زیر بحث نہیں لایا جا سکتا،سپیکر قومی اسمبلی
-
ورلڈ پریس فوٹو ایوارڈ: مردہ بچی کو تھامے فلسطینی خاتون کی تصویر کو
-
ٹوبہ ٹیک سنگھ ،باپ ،بھائی کے ہاتھوں قتل ہونے والی ماریہ کی ڈی این رپورٹ میں زیادتی کے شواہدنہیں ملے
-
پاکستان میں سال 2023 کے دوران موبائل فون صارفین کی تعداد میں 37 لاکھ کی ریکارڈ کمی
-
اینٹ کا جواب پتھر سے دیا جائیگا،دہشتگردوں سے مذاکرات نہیں ہونگے،اعظم نذیر تارڑ
-
رمضان شوگر مل ریفرنس کیس وزیراعظم شہبازشریف اور حمزہ شہبازکی حاضری سے معافی کی درخواست منظور
-
سپیکر پرلازم ہے کہ وہ آئین اور قانون کی پاسداری کریں،عمر ایوب
-
اقوام متحدہ میں فلسطین کی مکمل رکنیت کی قرارداد کو امریکہ نے ویٹو کر دیا
-
ایران پر اسرائیل کے حملے اور دھماکوں کے بعد پروازیں معطل
-
سٹاک مارکیٹ میں اضافہ غیر ملکی خریداروں کا بڑھتا ہوا رحجان ہے،محمد اورنگزیب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.