صوابی ، نامعلوم ملزمان نے دکاندار کو قتل کردیا ، دوسرے واقع میںچوری کے الزام میں عوام کی مارپیٹ سے ملزم جاں بحق

ہفتہ 23 ستمبر 2017 19:28

صوابی (اُردو پوائنٹ اخبارتازہ ترین - آئی این پی۔ 23 ستمبر2017ء) صوابی میں مختلف واقعات میں دو افراد جاں بحق ہوگئے، گائوں کڈی میں رات کی تاریکی میں نامعلوم ملزمان نے دکاندار کو قتل کردیا جبکہ نشئی کو چوری کے الزام میں مارپیٹ سے جاں بحق ہوگیا ،ناصر علی سکنہ کڈی نے تھانہ زیدہ میں ایف آئی آر درج کراتے ہوئے بتایا کہ ان کا بھائی فضل رب گزشتہ رات اپنی دکان پر موجود تھے کہ اس دوران نامعلوم افراد نے آکر ان پر فائرنگ کردی جس کے نتیجے میں وہ موقع پر جاں بحق ہوگیا ،دریں اثناء بیوہ سعید نے تھانہ صوابی میں ایف آئی آر درج کراتے ہوئے بتایا کہ ان کا شوہر نشے کا عادی گزشتہ روز گھڑی چوری ہونے کی شبہ پر دو افراد نے ان کو مارا پیٹا اور بعدازاں جاں بحق ہوگیا ،صوابی پولیس نے بتایا کہ ڈاکٹر کی رپورٹ کے مطابق مار پیٹ سے نہیں بلکہ نشے سے جاں بحق ہوگیا کیونکہ ان کے بدن پر تشدد نے نشانات نہیں تھے ،پولیس نے الگ الگ ایف آئی آر درج کرکے تفتیش شروع کردی ہے۔