صوبائی وزیر منشاء اللہ بٹ کا سیالکوٹ میںورکنگ بائونڈری کے علاقہ سلانوالی کا دورہ

لاہور (اُردو پوائنٹ اخبارتازہ ترین - این این آئی۔ 23 ستمبر2017ء) وزیر اعلیٰ پنجاب کی ہدایت پر صوبائی وزیر بلدیات محمد منشاء اللہ بٹ نے گزشتہ روز سیالکوٹ میںورکنگ بائونڈری کے علاقہ سلانوالی کا دورہ کیا۔ اس موقع پر ڈپٹی کمشنرڈاکٹر فر خ نو ید،ممبران صوبائی اسمبلی رانا اقبال ، چو ہد ری اکرام اوردیگر افسران بھی ان کے ہمراہ تھے۔صوبائی وزیر نے بھارتی شیلنگ سے شہید ہونے والے محمد اشرف کے ورثاء سے تعزیت کی اور شہید کی بیوہ کو 5 لاکھ ر وپے مالیت کا امدادی چیک دیا۔

(جاری ہے)

محمد منشاء اللہ بٹ نے سی ایم ایچ میںزخمیوں کی عیادت کی اورشدید زخمیوں کو75ہزار روپے فی کس جبکہ معمولی زخمیوں کو 25ہزار روپے فی کس کے امدادی چیک دئیے۔بھارتی جارھیت سے ابتک6افراد زخمی اور درجنوں زکمی ہوئے ہیں۔اس موقع پر صوبائی وزیر محمد منشاء اللہ بٹ نے کہا کہ علاقہ بھر میں چار ریلیف کیمپ قائم کئے گئے ہیں جہاں تما م حکومتی ادارے متاثرین کو ہر قسم کی امداد فراہم کر رہے ہیں۔ انہوں نے کہ ر ینجرز نے دشمن کا ڈٹ کر مقابلہ کیا اور دشمن کو اس کا منہ توڑ جواب دیا۔پوری قوم پاک فوج کے ساتھ ہے۔انہوں نے کہا کہ بزدل دشمن کی نہتے شہریوں کے خلاف بھارتی جارحیت عالمی قوانین کی کھلی خلاف ورزی ہے۔بھارتی جارحیت کے باوجود عوام کے حوصلے بلند ہیں۔