حافظ آباد ، شادی شدہ خاتون کو فائرنگ کرکے قتل کردیا گیا، ملزمان فرار

جمعہ 22 ستمبر 2017 21:58

حافظ آباد(اُردو پوائنٹ اخبارتازہ ترین - آن لائن۔ 22 ستمبر2017ء) حافظ آباد کے نواحی گائوں بھوپہ لودھیکا میں شادی شدہ خاتون کو فائرنگ کرکے قتل کردیا گیا جبکہ ملزمان فرار ہونے میں کامیاب ہوگئے۔ تفصیلات کے مطابق فرح بی بی کا مبینہ طور پر اپنے خاوند محمد مالک سے جھگڑا چلا آرہا تھا ۔

(جاری ہے)

وقوعہ کے روز فرح بی بی کسیسے روڈ پر سڑک کے کنارے جارہی تھی کہ اس پر مسلح ملزمان نے فائرنگ کردی۔جس کے نتیجہ میں وہ موقع پرہی دم توڑ گئی جبکہ ملزمان فرار ہونے میںکامیاب ہوگئے۔ پولیس تھانہ کسیسے نے مقتولہ کے خاوند محمد مالک وغیرہ کے خلاف مقدمہ درج کرلیا۔ تاحال کسی بھی ملزم کی گرفتاری عمل میں نہ آسکی ہے