لاہور ہائیکورٹ نے فلورملز سے اضافی ٹیکس وصولی پر عمل درآمد روک دیا

اضافی سیلز ٹیکس کے خلاف درخواست پر پنجاب حکومت سمیت دیگر فریقین سے جواب طلب

جمعہ 22 ستمبر 2017 16:53

لاہور (اُردو پوائنٹ اخبارتازہ ترین - این این آئی۔ 22 ستمبر2017ء) لاہور ہائیکورٹ نے فلورملز سے اضافی ٹیکس وصولی پر عمل درآمد روک دیا۔گزشتہ روز لاہور ہائیکورٹ کے مسٹر جسٹس شاہد جمیل نے 6 فلور ملوں کی درخواست پر سماعت کی جس میں اضافی ٹیکس کی وصولی کو چیلنج کیا گیا تھا۔

(جاری ہے)

درخواست گزار فلور ملز کے وکلا ء نے عدالت کو بتایا کہ حکومت نے فلورملز سے لیوی ٹیکس میں 100 فیصد اضافہ کر دیا ہے اور حکومت نے بلاجواز اضافی سیلز کی وصولی شروع کر دی ہے جس کی کوئی قانونی حیثیت نہیں ہے۔

لہٰذا معزز عدالت سے استدعا ہے کہ حکومت کی جانب سے ٹیکس میں اضافہ کالعدم قرار دیا جائے ۔ جس پر فاضل عدالت نے فلورملز سے اضافی ٹیکس وصولی پر عمل درآمد روک دیا اور اضافی سیلز ٹیکس کے خلاف درخواست پر پنجاب حکومت سمیت دیگر فریقین سے جواب طلب کرتے ہوئے کیس کی مزید سماعت 26 ستمبر تک ملتوی کر دی ۔