ایک ہزار عمران خان مل کر بھی نوازشریف کا مقابلہ نہیں کرسکتے ، عوام نے نوازشریف کی نااہلی کے فیصلے کو قبول نہیں کیا ،

اسلام آباد(اُردو پوائنٹ اخبارتازہ ترین - آئی این پی۔ 21 ستمبر2017ء) وفاقی وزیرداخلہ احسن اقبال نے کہا ہے کہ ایک ہزار عمران خان مل کر بھی نوازشریف کا مقابلہ نہیں کرسکتے ، عوام نے میاں نوازشریف کی نااہلی کے فیصلے کو قبول نہیں کیا ، خطرناک ترین قرراد دیے جانے والے ملک کو میاں نوازشریف نے سنبھالا، 2018کے الیکشن مین عمران خان کو شکست دیں گے ، ایک اناڑی شخص کروڑوں لوگوں کا ملک کیسے چلا سکتا ہے ۔

، عمران خان اور شیخ رشید بھارت یابنگلہ دیش میں ہوتے تو وہاں بھی حالات خراب ہوتے ۔ جمعرات کو بنی گالہ میں نالہ کو رنگ پل کے افتتاح کے موقع پر خطاب کرتے ہوئے وزیرداخلہ نے کہا کہ اصل تبدیلی دہشت گردوں کا خاتمہ ہے ، آج دہشت گرد چھپتے پھر رہے ہیں ، وفاقی حکومت نے بچے کھچے کراچی کی رونقیں بحال کیں ، ٹارگٹ کلر اور بھتہ مافیا سمندر میں غرق ہوچکے ہیں ۔

(جاری ہے)

انہوں نے کہا کہ میاں نوازشریف نے مسلم لیگ (ن) کو ترقی کا نظریہ دیا ، وفایق حکومت نے ترقیاتی بجٹ کا رخ بلوچستان کی جانب موڑ دیا ہے ، کبھی کینال منصوبے کی تکمیل سے بلوچستان میں ہزاروں ایکڑ زمین سیراب ہوگی ۔ احسن اقبال نے کہا کہ وفاقی حکومت کے اخراجات کی بدولت بلوچستان میں ان گنت ترقیاتی منصوبے بنائے گئے ہیں ، گوادر سے کوئٹہ کا سفر دوگھنٹے پر محیط ہوجاچکا ہے ۔انہوں نے کہا کہ دہشت گردوں کا خاتمہ ہی حقیقی تبدیلی ہے ۔