پرویز مشرف بینظیر بھٹو کے قتل بارے آصف زرداری پر پہلے بھی الزام لگا چکے ہیں، سعید غنی

پیپلز پارٹی نے ایف آئی اے، اقوام متحدہ سے بینظیر بھٹو کے قتل کیس کی تحقیقات کرائیں جس کے نتیجے میں مشرف پر مقدمہ چلا، سابق صدر ملک واپس آئیں اور عدالت میں اپنی صفائی دیں، نجی ٹی وی سے گفتگو

جمعرات 21 ستمبر 2017 17:41

پرویز مشرف بینظیر بھٹو کے قتل بارے آصف زرداری پر پہلے بھی الزام لگا ..

اسلام آباد (اُردو پوائنٹ اخبارتازہ ترین - این این آئی۔ 21 ستمبر2017ء) پیپلز پارٹی کے رہنماء سعید غنی نے کہا ہے پرویز مشرف بینظیر بھٹو قتل کے حوالے سے آصف زرداری پر الزام پہلے بھی لگا چکے ہیں، پیپلز پارٹی نے ایف آئی اے، اقوام متحدہ سے شہید محترمہ کے قتل کیس کی تحقیقات کرائیں جس کے نتیجے میں مشرف پر مقدمہ چلا، سابق صدر ملک واپس آئیں اور عدالت میں اپنی صفائی دیں۔

(جاری ہے)

سعید غنی نے نجی ٹی وی سے گفتگو کرتے ہوئے کہا کہ پرویز مشرف آصف علی زرداری پر الزام کی بات پہلے بھی کہہ چکے ہیں ، پرویز مشرف کا کیس میں نام ہے وہ واپس آئیں اور عدالت میں اپنی صفائی دیں، عدالت سے مفرور بھی ہوں اور ملک سے باہر بیٹھ کر الزام تراشی بھی کریں۔ پیپلز پارٹی نے ایف آئی اے ، اقوام متحدہ سے بینظیر بھٹو قتل کیس کی تحقیقات کرائیں، انہوں نے کہا کہ تحقیقات کے نتیجے میں پرویز مشرف پر کیس چلا، انہوں نے کہا کہ بینظیر قتل کیس کے فیصلے سے پیپلز پارٹی اتفاق نہیں کرتی، پیپلز پارٹی نے بینظیر بھٹو قتل کیس کے فیصلے کیخلاف اپیل کی ہے۔