Live Updates

مخالفین ذہن نشین کر لیں تخت لاہور متوالوں کا ہے، شہباز شریف

این اے 120کے انتخابی مقابلہ نے ثابت کردیا کہ میاں نواز شریف آج بھی عوام کے دلوں کی دھڑکن ہیں، عمران خان اینڈ کمپنی پر واضح ہو گیا کہ وہ کتنے پانی میں ہیں 2018 ء میں بھی ن لیگ ہی کامیابی کی منزلیں طے کرے گی، وزیر اعلی پنجاب کی وفد سے گفتگو

بدھ 20 ستمبر 2017 19:23

مخالفین ذہن نشین کر لیں تخت لاہور متوالوں کا ہے، شہباز شریف
سانگلہ ہل (اُردو پوائنٹ اخبارتازہ ترین - آئی این پی۔ 20 ستمبر2017ء) وزیر اعلی پنجاب میاں محمد شہباز شریف نے کہا ہے کہ مخالفین یہ بات ذہن نشین کر لیں کہ تخت لاہور متوالوں کا ہے این اے 120کے انتخابی مقابلہ نے یہ ثابت کردیا ہے کہ میاں نواز شریف آج بھی عوام کے دلوں کی دھڑکن ہیں،ببانگِ دہل کہتا ہوں کہ یہی چراغ جلیں گے تو روشنی ہو گی زندگی اور موت اللہ تعالیٰ کے ہاتھ میں ہے ملک و قوم کی تعمیر و ترقی اور عوام کی خوشحالی کا مشن میرے جسم میں خون کی طرح دوڑتا ہے وہ پاکستان مسلم لیگ ن سانگلہ ہل کے راہنما ملک محمد حنیف کی قیادت میں ملنے والے وفد سے بات چیت کر رہے تھے لیگی وفد نے میاں محمد شہباز شریف کو این اے 120 میں محترمہ کلثوم نواز کی کامیابی پر میاں شہباز شریف کو مبارک باد دی انہوں نے مزید کہا کہ ن لیگ کے اندر کسی قسم کی گروپ بندی نہیں ہے ن لیگ میں دراڑیں ڈالنے والوں کو شرمندگی کے کچھ نہیں ملے گا انہوں نے مزید کہا کہ عمران خان اینڈ کمپنی پر واضح ہو گیا ہے کہ وہ کتنے پانی میں ہیں 2018 ء میں بھی ن لیگ ہی کامیابی کی منزلیں طے کرے گی انہوں نے کہا کہ ہمارا ایمان ہے کہ زندگی اور موت خدا کے ہاتھ میں ہے کوئی کسی کو مار نہیں سکتا مخالفین کو چاہیئے کہ این اے 120 کے مقابلہ کے بعد وہ آرام و سکون سے گھر بیٹھیں میاں محمد نواز شریف کو نا اہل کرنے کے باوجود ان کی مقبولیت کا چراغ آج بھی روشن ہے جس کو خدا تعالیٰ عزت دے اس سے کوئی چھین نہیں سکتا ۔

Live عمران خان سے متعلق تازہ ترین معلومات