صوابی اوربونیر پولیس کی طوطالئی کے علاقے میں کارروائی 6مغوی خواجہ سراوں کو با حفاظت بازیاب کرلیاگیا

شادی کی تقریب سے واپسی پر مسلح افراد نے اغوا کیا تھا ،، ملزمان فرارہونے میں کامیاب ،مقدمہ درج ،پولیس کے چھاپے جاری

بدھ 20 ستمبر 2017 19:09

صوابی (اُردو پوائنٹ اخبارتازہ ترین - آئی این پی۔ 20 ستمبر2017ء) صوابی اوربونیر پولیس نے ضلع بونیر کے علاقے طوطالئی میں کارروائی کرتے ہوئے صوابی سے اغوا ہونے والے چھ خواجہ سراوں کو با حفاظت بازیاب کرلیا۔

(جاری ہے)

ڈی پی او آفس صوابی سے جاری پریس ریلیز کے مطابق موضع سلیم خان میںخواجہ سراء گزشتہ شب شادی کی تقریب سے میں شرکت کے بعد واپس جارہے تھے کہ لرکو پل کے مقام پر مسلح افراد نے چھ خواجہ سرائوں سدرہ، پنکی، آرزو، چاہت، حنا اورکرشمہ کو اغوا کرلیا ،صوابی پولیس نے کامران عرف سونی رپوٹ پرکارروائی کرتے ہوئے ایس ایچ او صوابی منصف خان اورایس ایچ او تھانہ طوطالئی محمد یونس خان کی قیادت میں بونیر اور صوابی پولیس نے خواجہ سراء کو بازیاب کرانے کے لئے ضلع بونیر کے پہاڑی علاقے طوطالئی میں حجرہ اذان سلیم پر چھاپہ ماراجس دوران وہاں سے تمام اغواء کئے گئے خواجہ سرائوں سدرہ ، کرشمہ ،آرزو،حنا،پنکی اورچاہت بازیاب کرلئے جبکہ ملزمان پولیس کی آمد کی اطلاع ملتے ہی بھاگنے میں کامیاب ہو ئے ، بسلسلہ گرفتاری ملزمان پر چھاپے لگائے جا رہے ہیں ،پولیس نے ملزمان فرمان ،سلیم ،عامر عرف سور ،بخت زادہ اور عاقل پر اغواء کا مقدمہ درج کرکے تفتیش شروع کردی ہے