قطر کا پاکستانیوں کو قطر پہنچنے پر30دن کے لیے مفت ویزہ دینے کا اعلان

سید فاخر عباس منگل 19 ستمبر 2017 17:41

اسلام آباد(اردوپوائنٹ تازہ ترین اخبار- 19ستمبر 2017ء):قطر نے پاکستان شہریوں کو چند شرائط کیساتھ قطر پہنچنے پر 30دن کا ویزا مفت جاری کرنے کا اعلان کر دیا ۔تفصیلات کے مطابق اسلام آباد میں موجود قطر کے سفارتخانے نے اعلان کیا ہے کہ پاکستانی پاسپورٹ کے حامل شہریوں کو قطر پہنچنے پر ائیر پورٹ پر ہی 30دن کا مفت ویزہ جاری کر دیا جائے گا ۔

(جاری ہے)

اس ویزے کے چند شرائط بھی رکھی گئی ہیں ۔

شرائط کے مطابق پاسپورٹ 6ماہ تک کارآمد ہونا چاہیے۔آنے والے مسافر کے پاس ریٹرن ٹکٹ ہونا چاہیے۔مسافر کے پاس 5000ریال یا اس کے برابررقم ہونی چاہیے ۔ویزے کی مدت 30دن ہوگی ۔وہ مسافر جو براہ راست پاکستان سے آرہے ہوں ان کے پاس پولیو کے خلاف ویکسینیشن کا سرٹیفیکیٹ ہونا چاہیے۔دوست ملک کی جانب سے اس اقدام کو کافی سراہا جا رہا ہے۔

Facebook Twitter Google + Share on Whatsapp

قطر کا پاکستانیوں کو قطر پہنچنے پر30دن کے لیے مفت ویزہ دینے کا اعلان

مزید اہم خبریں