کلثوم نواز 61 ہزار 745 ووٹ لے کر کامیاب ،ْاین اے 120 کے ضمنی انتخاب کا سرکاری نتیجہ جاری

منگل 19 ستمبر 2017 17:49

اسلام آباد (اُردو پوائنٹ اخبارتازہ ترین - این این آئی۔ 19 ستمبر2017ء) الیکشن کمیشن نے قومی اسمبلی کے حلقہ این اے 120 لاہور کے ضمنی انتخاب کا سرکاری نتیجہ جاری کردیا۔مسلم لیگ (ن) کی امیدوار بیگم کلثوم نواز کی کامیابی کا نوٹی فکیشن جاری کردیا گیا ہے اور سرکاری نتیجے کے مطابق کلثوم نواز 61 ہزار 745 ووٹ لے کر کامیاب قرار پائیں۔

(جاری ہے)

تحریک انصاف سے تعلق رکھنے والی امیدوار یاسمین راشد 47 ہزار 99 ووٹ لے کر دوسرے نمبر پر رہیں۔نوٹی فکیشن کے مطابق این اے 120 کے ضمنی انتخاب میں ووٹ ڈالنے کا تناسب 39.42 فیصد رہا جب کہ حلقے میں 3 لاکھ 21 ہزار 786 ووٹوں میں سے ایک لاکھ 26 ہزار ووٹ کاسٹ ہوئے۔ خیال رہے کہ سابق وزیراعظم نواز شریف کی نااہلی کے بعد قومی اسمبلی کی نشست این اے 120 خالی ہوئی تھی۔