عمان ایئر اور اسٹینڈرڈ چارٹرڈ پاکستان کے درمیان اشتراک

کراچی (اُردو پوائنٹ اخبارتازہ ترین - این این آئی۔ 19 ستمبر2017ء) سلطنت عمان کی قومی ایئرلائن کمپنی عمان ایئر اور اسٹینڈرڈ چارٹرڈ پاکستان کے درمیان شراکت داری کا معاہدہ ، معاہدے کے تحت عمان ایئر اسٹینڈرڈ چارٹرڈ کے تمام کارڈ ہولڈرز کو خصوصی ڈسکائونٹس دے گا۔اس معاہدے کے تحت اسٹینڈرڈ چارٹرڈ کے خصوصی صارفین عمان ایئر کی اکانومی اور بزنس کلاس کے شاندار کرایہ آفر سے فائدہ اٹھاتے ہوئے بزنس کلاس میں 20فیصد جبکہ اکانومی کلاس میں10فیصد رعایت حاصل کرنے کے اہل ہوں گے۔

اس موقع پر عمان ایئر کے پاکستان میں کنٹری منیجر کین مارشل کاکہنا تھاکہ اس طرح کی شراکت داری اداروں کے درمیان ضروری ہے، جس کے باعث ان کمپنیوں کے صارفین خصوصی پروموشنل آفر سے فائدہ اٹھاسکیں، اسٹینڈرڈ چارٹرڈ پاکستان کے ساتھ اس شراکت داری کا فائدہ ہمارے صارفین کو ویلیو ایڈڈ سروسز کی فراہمی کی شکل میں ہوگا، ہم نے اپنے صارفین کو خوش اور مطمئن رکھنے کے لیے بزنس اور اکانومی کلاس میں خصوصی ڈسکائونٹس آفر متعارف کرائی ہیں۔

(جاری ہے)

شراکت داری سے متعلق بات کرتے ہوئے اسٹینڈرڈ چارٹرڈ پاکستا ن کے ہیڈ آف ریٹیل بینکنگ شہزاد عارف کا کہنا تھاکہ عمان ایئر اور اسٹینڈرڈ چارٹرڈ کا شمار بہترین اداروں میں ہوتا ہے، دونوں فریق کے درمیان شراکت داری اس بات کی عکاسی کرتی ہے کہ ہم اپنے صارفین کو بہترین سروسز کی فراہمی میں پرعزم ہیں، جس کے نتیجے میں ہمارے کریڈٹ کارڈ اور ڈیبٹ کارڈ ہولڈر عمان ایئر کی خصوصی ڈسکائونٹس آفر سے فائدہ اٹھا سکیں گے۔ عمان ایئر کی جانب سے یہ خصوصی آفر یکم ستمبر سی31 اکتوبر2017تک ہے، جبکہ باہر کے صارفین یکم ستمبر سے 31دسمبر تک فائدہ اٹھاتے ہوئے عمان ایئر کی ویب سائٹ www.omanair.comپر وزٹ کرکے یا عمان ایئر کے کراچی ، لاہور یا اسلام آباد میں واقع ٹکٹنگ آفس سے اپنا ٹکٹ بک کراسکتے ہیں۔