این اے 120 میں عوام نے ووٹ کے ذریعے ثابت کردیا وہ نواز شریف کیساتھ ہیں، راجہ زین محمود

آزادکشمیر میں مسلم لیگ ن حکومت کی کارکردگی مثالی ہے ،این ٹی ایس سے اہل لوگوں کو روزگار میسر آیا اور لوگوں کا اعتماد بحال ہوا، صدر ایم ایس ایف این مظفر آباد

منگل 19 ستمبر 2017 17:02

مظفر آباد (اُردو پوائنٹ اخبارتازہ ترین - این این آئی۔ 19 ستمبر2017ء) ایم ایس ایف این ضلع مظفرآباد کے صدر راجہ زین محمود نے کہا ہے کہ این اے 120میں عوام نے ووٹ کے ذریعے یہ ثابت کر دیا کہ وہ نواز شریف کے ساتھ ہیں ،آزادکشمیر میں مسلم لیگ ن حکومت کی کارکردگی مثالی ہے ،این ٹی ایس سے اہل لوگوں کو روزگار میسر آیا اور لوگوں کا اعتماد بحال ہوا ۔

(جاری ہے)

اپنے ایک اخباری بیان میں انہوں نے کہا کہ وزیر اعظم راجہ محمد فاروق حیدر خان نے جس طرح آزاد کشمیر میں گڈ گورننس کے قیام کیلئے عملی اقدامات کر سلسلہ شروع کر رکھا ہے اس سے ریاست کے اندر تعمیر وترقی کے دوررس نتائج برآمد ہونگے اورریاست میں کرپشن لوٹ مار کے خاتمے، میرٹ کی بحالی، گڈ گورنس کے قیام پر تاریخ ساز اقدامات سے ریاست گراس روٹ لیول سے مضبوط و مستحکم ہوگی۔

انہوں نے کہا کہ مسلم لیگ ن کی حکومت عوام کی دہلیز پر اُن کے مسائل حل ہورہے ہیں ۔انہوں نے کہاکہ راجہ محمد فاروق حیدر خان کی قیادت میں مسلم لیگ ن آزادکشمیر کی حکومت اپنے پانچ سال پورے کرئے گی اور آزادکشمیر کے اندر تعمیر وترقی اور عوامی خدمت کا عمل جاری وساری رہے گا۔