گیپکو میں غیر قانونی بھرتیاں ، راجہ پرویز اشرف سمیت 8ملزمان پر فرد جرم عائد ، سابق وزیر اعظم کا صحت جرم سے انکار
دیگر ملزمان میں طاہر بشارت چیمہ ،شاہد رفیع، محمد سلیم عارف، ملک محمد رضی عباس، وزیر علی، محمد ابراہیم مجوکہ ،حشمت علی کاظمی شامل آپ 6 ماہ سے مختلف درخواستیں دے کر کیس کو التواء کا شکار کررہے ہیں،احتساب عدالت کا سابق وزیراعظم کے وکیل پر اظہار برہمی ․نیب کو آئندہ سماعت پر ریفرنس کی صاف کاپیاں فراہم کرنے کا حکم ،شہادتیں ریکارڈ کروانے کیلئے گواہان طلب ،سماعت 7 اکتوبر تک ملتوی
منگل 19 ستمبر 2017 15:40
(جاری ہے)
جس پر عدالت نے برہمی کا اظہار کرتے ہوئے کہا کہ مختلف درخواستیں دے کر عدالتی وقت ضائع کیا جا رہا ہے، دستاویزات کے حصول کے لیے آپ کو ایک ماہ کا وقت دیا لیکن آج پھر وہی گردان دہرائی جا رہی ہے،6 ماہ سے آپ تاریخ پر تاریخ لیتے جا رہے ہیں۔
جس پر راجہ پرویز اشرف کے وکیل افتخار شاہد ایڈووکیٹ نے کہا کہ ہم بھی اسلام آباد سے آکر تاریخ پر پیش ہوتے ہیں۔ان کا کہنا تھا کہ نیب کے وکیل کے پاس ریکارڈ موجود ہی نہیں، عدالت ریفرنس کی دوبارہ صاف اور مکمل کاپیاں فراہم کرنے کا حکم جاری کرے۔نیب کی جانب سے دائر کیے گئے ریفرنس کے مطابق راجہ پرویز اشرف نے ایسے افراد کو نوکریاں فراہم کیں، جنہوں نے درخواستیں ہی نہیں دی تھیں، جبکہ میرٹ کی دھجیاں بکھیر کر نااہل افراد کو سیاسی طور پر نواز کر پالیسی کے خلاف نوکری دی گئی اور اس سلسلے میں تحریری امتحان اور ڈومیسائل کی پالیسی کی بھی خلاف ورزی کی گئی۔نیب ریفرنس میں سابق وزیراعظم راجہ پرویز اشرف ،سابق ایم ڈی پیپکو طاہر بشارت چیمہ ،سابق سیکریٹری وزارت پانی و بجلی شاہد رفیع، سابق ڈائریکٹرز بورڈ آف گورنرز محمد سلیم عارف، ملک محمد رضی عباس، وزیر علی، سابق سی ای او محمد ابراہیم مجوکہ اور سابق ڈائریکٹر ایچ آر حشمت علی کاظمی کو نامزد کیا گیا تھا۔اس موقع پر پراسیکیوٹر نیب وارث علی جنجوعہ نے عدالت کو آگاہ کیا کہ راجہ پرویز اشرف نے ایسے افراد کو نوکریاں فراہم کیں، جنہوں نے درخواستیں ہی نہیں دی تھیں۔انہوں نے عدالت کو آگاہ کیا کہ راجہ پرویز اشرف ووٹ یبنک مضبوط بنانے کے لیے اپنے حلقے کے ووٹرز کو نوازتے رہے اور اہل افراد کو ان کے جائز حق سے محروم کیا، جس پر نیب نے کارروائی کرتے ہوئے تفتیش مکمل کرکے 2016ء میں ریفرنس فائل کیا تھا۔جس پر عدالت نے راجہ پرویز اشرف سمیت تمام 8ملزمان پر فرد جرم عائد کرتے ہوئے گواہان کو بیان ریکارڈ کروانے کے لیے طلب کرلیا جبکہ تمام فریقین کو ریفرنس کی صاف اور واضح کاپیاں فراہم کرنے کا حکم جاری کردیا۔راجہ پرویز اشرف کے علاوہ جن لوگوں پر فرد جرم عائد کی گئی ان میں محمد ابراہیم، حشمت علی کاظمی، طاہر بشارت چیمہ، ملک محمد رضی عباس، سلیم عارف، وزیر علی اور شاہد رفیع شامل ہیں۔راجہ پرویز اشرف نے صحت جرم سے انکار کردیا ہے اور کہا ہے کہ میں نے کوئی غیر قانونی کام نہیں کیا ۔عدالت نے نیب کو آئندہ سماعت پر ریفرنس کی صاف کاپیاں فراہم کرنے کا حکم جاری کرتے ہوئے کیس کی سماعت 7اکتوبر تک ملتوی کر دی ۔متعلقہ عنوان :
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.