تحریک انصاف کے پاگل پن کا کوئی علاج نہیں ،

ان کو یہ ہار ہضم نہیں ہو رہی اور نہ ہو گی، وزیراعظم شاہد خاقان عباسی نواز شریف کے ہی نقش قدم پر چل رہے ہیں، یہ نواز شریف کی ہی ٹریننگ ہے اور ان کی ہی ٹیم ہے، فیصلے آئین و قانون کے دائرہ کار میں ہوتے ہیں وزیر مملکت برائے توانائی عابد شیر علی کی پارلیمنٹ ہائوس کے باہر میڈیا سے گفتگو

منگل 19 ستمبر 2017 16:31

تحریک انصاف کے پاگل پن کا کوئی علاج نہیں ،

اسلام آباد (اُردو پوائنٹ اخبارتازہ ترین - آئی این پی۔ 19 ستمبر2017ء) وزیر مملکت برائے توانائی عابد شیر علی نے کہا ہے کہ تحریک انصاف کے پاگل پن کا کوئی علاج نہیں ہے، ان کو یہ ہار ہضم نہیں ہو رہی اور نہ ہو گی، وزیراعظم شاہد خاقان عباسی نواز شریف کے ہی نقش قدم پر چل رہے ہیں، یہ نواز شریف کی ہی ٹریننگ ہے اور ان کی ہی ٹیم ہے، فیصلے آئین و قانون کے دائرہ کار میں ہوتے ہیں۔

(جاری ہے)

منگل کو پارلیمنٹ ہائوس کے باہر میڈیا سے گفتگو کرتے ہوئے عابد شیر علی نے کہا کہ وزیراعظم شاہد خاقان عباسی سابق وزیراعظم میاں محمد نواز شریف کے ہی نقش قدم پر چل رہے ہیں، یہ نواز شریف کی ہی ٹریننگ ہے اور ان کی ہی ٹیم ہے جب نواز شریف وزیراعظم تھے تو وہ بھی اسی طرح ایکٹو ہو کر کام کرتے تھے۔ انہوں نے کہا کہ تحریک انصاف کے پاگل پن کا کوئی علاج نہیں، ان کو یہ ہار ہضم نہیں ہو رہی اور نہ ہو گی۔ عابد شیر علی نے کہا کہ فیصلے آئین و قانون کے دائرہ کار میں ہوتے ہیں، فیصلے اسی طرح نہیں ہوتے کہ جب تک آپ کسی کو موقع فراہم نہ کریں۔