وزیراعظم کی امریکی کمپنیوں کو پاکستان میں مختلف شعبوں میں سرمایہ کاری کی دعوت
پاکستان میں غیر ملکی سرمایہ کاری کے وسیع مواقع موجو د ہیں ،اس سلسلے میں امریکی کمپنیوںکو خوش آمد ید کہیں گے،شاہد خاقان عباسی کی جنرل الیکٹرک کے نائب صدر سے ملاقات میں گفتگو پاکستان جنرل الیکٹرک کیلئے ایک اہم مارکیٹ ہے، لوکو موٹو اور شعبہ صحت میں سرمایہ کاری کے خواہاں ہیں، جان رائس
منگل 19 ستمبر 2017 12:24
(جاری ہے)
ملاقات میں نائب صدر جنرل الیکٹرک کمپنی جان رائس کا کہنا تھا کہ ان کا ادارہ پاکستان میں لوکو موٹیو اور شعبہ صحت میں سرمایہ کاری کرنا چاہتے ہیں اور پاکستان میں اپنے کاروبار کو وسیع کرنے کے لیے پرعزم ہیں۔
اس موقع پر وزیراعظم شاہد خاقان عباسی نے جنرل الیکٹرک کی پاکستان سے وابستگی کی تعریف کرتے ہوئے کہا کہ پاکستان جنرل الیکٹرک کمپنی کی مہارت سے بہت فوائد حاصل کر رہا ہے،وزیراعظم نے امریکی کمپنیوں کو پاکستان میں مختلف شعبوں میں سرمایہ کاری کی دعوت دیتے ہوئے کہا کہ امریکی کمپنیوں کو پاکستان میں مختلف شعبوں میں سرمایہ کاری کیلئے خوش آمدید کہیں گے ۔واضح رہے کہ وزیراعظم شاہد خاقان عباسی اقوام متحدہ کی جنرل اسمبلی سے خطاب کیلئے گزشتہ شب نیویارک پہنچے ۔ امریکا میں پاکستانی سفیر اعزاز چوہدری اور اقوام متحدہ میں مستقل مندوب ملیحہ لودھی نے ان کا استقبال کیا۔وزیراعظم شاہد خاقان اپنے اس دورہ میں نائب امریکی صدر، اقوام متحدہ کے سیکریٹری جنرل، افغان ، ایران،سری لنکا اور ترکی کے صدور سمیت دیگر عالمی رہنمائوں سے ملاقات بھی کریں گے۔ وزیر اعظم نیپالی، برطانوی ہم منصب اور اردن کے شاہ سے بھی ملاقاتیں کریں گے۔ اس کے علاوہ وزیراعظم شاہد خاقان عباسی کونسل آف فارن ریلیشنز سے بھی خطاب کریں گے۔ذرائع کے مطابق وزیراعظم شاہد خاقان اپنے تین روزہ دورہ نیویارک میں امریکی نائب صدر مائیک پنس، سابق امریکی وزیر خارجہ ہنری کسنجر سے ملاقات کریں گے۔امریکی نائب صدر سے ملاقات میں ٹرمپ کی افغان پالیسی اور پاکستان سے متعلق سخت موقف پر بات ہوگی۔اس کے علاوہ وزیراعظم مقبوضہ کشمیر اور روہنگیا مسلمانوں پر وحشیانہ مظالم پر ہونے والے او آئی سی کے رابطہ گروپ اجلاس میں بھی شرکت کریں گے۔وزیراعظم 21 ستمبر کی سہ پہر جنرل اسمبلی سے پہلی بار خطاب کریں گے، جس میں کشمیریوں کے حق خودارادیت، کشمیریوں پربھارتی مظالم سے دنیا کو آگاہ کرنے کے ساتھ میانمار میں روہنگیا مسلمانوں کے قتل عام کی بھی مذمت کریں گے۔وزیراعظم 22ستمبر کی صبح وطن واپس روانہ ہوجائیں گے۔متعلقہ عنوان :
مزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.