وزیردخلہ سندھ کی زیر صدارت اجلاس، صوبے میں امن وامان کی موجودہ صورتحال کا بھی جائزہ لیا

کراچی (اُردو پوائنٹ اخبارتازہ ترین - این این آئی۔ 13 ستمبر2017ء) وزیرداخلہ سندھ سہیل انور خان سیال کی زیر صدارت اجلاس میں ایکس آرمی اہلکاروں کی سندھ پولیس میں بھرتی سمیت آرآرایف، کاؤنٹرٹیررزم ڈپارٹمنٹ سندھ کے لئے کانسٹیبلز کی بقیہ پوسٹ کے جملہ مراحل میں کامیاب قراردیئے جانیوالے امیدواران کی ریکروٹمنٹ کے عمل سمیت اسپیشل پروٹیکشن یونٹ کے لئے نئی منظور شدہ پوسٹس کا تفصیلی جائزہ لیا گیا اور مزید ضروری احکامات دیئے۔

*اجلاس میں آئی جی سندھ اے ڈی خواجہ کے علاوہ سیکریٹری داخلہ سندھ اور اے آئی جی اسٹیبلشمنٹ بھی موجود تھے۔وزیرداخلہ سندھ نے اس موقع پر صوبے میں امن وامان کی موجودہ صورتحال کا بھی جائزہ لیا اور اس تناظر میں مزید ضروری احکامات دیئے۔سہیل انور خان سیال نے محرم کے دوران عوام کے جان ومال کی حفاظت یقینی بنانے کے حوالے سے سندھ پولیس کے تحت اختیار کردہ حکمت عملی اور لائحہ عمل کا بھی تفصیلی جائزہ لیا اوررینج ڈسٹرکٹس وزونزکی سطح پرسیکیورٹی کے مجموعی امور کو انتہائی ٹھوس اور مربوط بنانے کے احکامات دیئے۔

(جاری ہے)

انہوں نے کہا کہ محرم کے دوران قیام امن کی صورتحال پر مکمل پولیس کنٹرول کے حوالے سے مختلف مکاتب فکر کے علماء اور ذاکرین سمیت دیگرتمام اسٹیک ہولڈرز کو بھی اعتماد میں لینے اور انکے انفرادی واجتماعی کردار کو یقینی بنانے کے ضمن میں تمام تر کاوشوں کو یقینی بنایا جائے۔