پاکستان میں انٹرنیشنل کرکٹ کی بحالی خوش آئند ہے اس کے بعد اور بھی ٹیمیں پاکستان آئیں گی: وقار یونس

بدھ 13 ستمبر 2017 22:24

لاہور (اُردو پوائنٹ اخبارتازہ ترین - آن لائن۔ 13 ستمبر2017ء) پاکستان کرکٹ ٹیم کے سابق ہیڈ کوچ وقار یونس کا کہنا ہے کہ پاکستان میں انٹرنیشنل کرکٹ کی بحالی خوش آئند ہے اس کے بعد اور بھی ٹیمیں پاکستان آئیں گی، میڈیا سے گفتگو کرتے ہوئے سابق فاسٹ بائولر وقار یونس نے کہا کہ پاکستان میں انٹرنیشنل کرکٹ کی بحالی کی وجہ سے چیمپئنز ٹرافی جیتا ہے کیوکہ چیمپئنز ٹرافی جیتنے کے بعد ہی ٹیموں نے پاکستان آنے کا فیصلہ کیا ہے، انہوں نے کہا کہ انٹرنیشنل کرکٹ کی بحالی پر قوم کو مبارکباد پیش کرتا ہوں۔