فرنٹیئر ریزرو پولیس نے جعلی اسناد پر بھرتی ہونے والے 9 پولیہس اہلکاروں کو بر طرف ..
تازہ ترین : 1

فرنٹیئر ریزرو پولیس نے جعلی اسناد پر بھرتی ہونے والے 9 پولیہس اہلکاروں کو بر طرف کر دیا

پشاور(اُردو پوائنٹ اخبارتازہ ترین۔ 11 ستمبر2017ء)فرنٹیئر ریزرو پولیس (ایف آر پی) پشاور ہیڈ کوارٹر میں جعلی اسناد کے ذریعے بھرتی ہونے والے 9 پولیس اہلکاروں کو برخاست کردیا گیا ہے۔پولیس ترجمان کے مطابق ڈپٹی کمانڈنٹ ایف آر پی اسرار الدین کو معلوم ہوا تھا کہ محکمہ میں چند اہلکار جعلی سرٹیفکیٹس کے ذریعے بھرتی ہوئے ہیں جس کا نوٹس لیتے ہوئے انہوں نے ڈی ایس پی ایف آر پی ہیڈ کوارٹرز نوزرزمین شاہ کی سربراہی میں تحقیقاتی کمیٹی تشکیل دی جس نے گزشتہ روزاپنی رپورٹ پیش کرتے ہوئے 9 اہلکاروں کو جعلسازی کا مرتکب ٹہرادیا۔

کمانڈنٹ ایف آر پی نے رپورٹ کی روشنی میں محمد سعید، نظار احمد، سلیم خان، شبیر احمد، راحت گل،طاہر الدین، محمد وسیم شاہ، حلیم گل اور ساجد نامی اہلکاروں کو برخاست کردیا جنہوں نے تعلیمی اسناد میں اپنی جعلسازی کے ذریعے کم کی تھیں۔

مزید متعلقہ خبریں پڑھئیے‎ :

وقت اشاعت : 11/09/2017 - 21:04:06

اس خبر پر آپ کی رائے‎

متعلقہ عنوان :