امریکی صدر ٹرمپ نے توہین عدالت کے مجرم کو معاف کر دیا

وزارت انصاف میں صدربارک اوباما کے دور کی باقیات کی جانب سے سیاسی طور پر نشانہ بنایا گیا تھا‘آرپائیو

اتوار 27 اگست 2017 11:40

واشنگٹن (اُردو پوائنٹ اخبارتازہ ترین - این این آئی۔ 27 اگست2017ء) امریکی صدر ڈونلڈ ٹرمپ نے ریاست ایری زونا کے شیرف جو آرپائیو کو معاف کر دیا ہے ان پر توہین عدالت کا الزام تھا۔برطانوی نشریاتی ادارے کے مطابق 85 سالہ آرپائیو کو اس وقت مجرم قرار دیا گیا تھا جب انھوں نے مشتبہ تارکینِ وطن کی نگرانی کرنے کے عدالتی حکم کو نظرانداز کر دیا تھا اور انھیں اکتوبر میں سزا سنائی جانی تھی جبکہ صدر نے ایری زونا کے شہر فینکس میں اس بات کا اشارہ دیا تھا۔

(جاری ہے)

دوسری جانب صدر کا شکریہ ادا کرتے ہوئے آرپائیو نے کہا کہ انھیں وزارتِ انصاف میں صدر اوباما کے دور کی باقیات کی جانب سے سیاسی طور پر نشانہ بنایا گیا تھا۔انھوں نے ٹویٹ کی شکریہ ، میرے خلاف فیصلے کو سمجھنے کے لیے، میں کہیں نہیں جا رہا۔ تاہم یہ واضح نہیں کیا کہ وہ آئندہ شیرف کا انتخاب لڑیں گے یا نہیں۔واضح رہے کہ ٹرمپ پہلے کئی بار آرپائیو کی تعریفیں کر چکے ہیں جو تارکینِ وطن کے خلاف سخت اور متنازع موقف کی وجہ سے جانے جاتے ہیں-