مقبوضہ کشمیر، پولیس شہید نوجوان عرفان فیاض کے اہلخانہ کو ہراساں کررہی ہے

بدھ 23 اگست 2017 13:00

سرینگر ۔ (اُردو پوائنٹ اخبارتازہ ترین - اے پی پی۔ 23 اگست2017ء) مقبوضہ کشمیر میں گزشتہ سال عوامی احتجاجی تحریک کے دوران بھارتی فورسز کے ہاتھوں شہید ہونے والے آٹوڈرائیور عرفان فیاض کے اہلخانہ کا کہنا ہے کہ بھارتی پولیس انہیں مختلف بہانے بناکر ہراساں کررہی ہیں۔

(جاری ہے)

کشمیر میڈیا سروس کے مطابق سرینگر کے علاقے ملک آنگن فتح کدل سے تعلق رکھنے والے عرفان فیاض کو بھارتی فوجیوں نے سرینگر کے علاقے ملارٹہ میں شہید کیا تھا۔

عرفان کی والدہ نے صحافیوں کو بتایا کہ عرفان کی شہادت کی پہلی برسی کے موقع پر ہم نے ایک چھوٹی سی تقریب کا اہتمام کیا تھا تاہم پولیس نے اس میں رکاوٹ ڈالی اور ان کے چھوٹے بیٹے اعجاز فیاض وانی کو گرفتار کرلیا۔ پولیس نے بعد میں اعجاز کو رہاتو کردیا لیکن اس سے پوچھ گچھ کے دوران پوچھاکہ انہوں نے تقریب کا اہتمام کیوں کیا والدہ کے علاوہ اعجاز کی دوغیر شادی شدہ بہنیں بھی ہیں۔