پاکستانی اداکارہ نادیہ جمیل برطانیہ میں نسلی تعصب کا شکار

اٹالین ریسٹورنٹ نے میرے والد کی داڑھی کی وجہ سے انھیں اور مجھے کھانا دینے سے انکار اور ہوٹل سے بھی چلے جانے کا کہہ دیا‘اداکارہ

بدھ 23 اگست 2017 11:50

لندن (اُردو پوائنٹ اخبارتازہ ترین - این این آئی۔ 23 اگست2017ء) پاکستانی اداکارہ اپنے والد کے ہمراہ ایک ہوٹل میں گئیں جہاں عملے نے ان سے انتہائی ناروا سلوک کیا اور کھانے فراہم کرنے سے انکار کر دیا۔

(جاری ہے)

پاکستانی اداکارہ نادیہ جمیل نے برطانیہ میں اپنے ساتھ پیش آئے واقعے کی تفصیلات بتاتے ہوئے کہا ہے کہ انھیں پہلی مرتبہ انگلینڈ میں نسلی تعصب کا سامنا کرنا پڑا جب لندن میں قائم ایک اٹالین ریسٹورنٹ نے صرف میرے والد کی داڑھی کی وجہ سے انھیں اور مجھے نہ صرف کھانا دینے سے انکار کیا بلکہ ہوٹل سے بھی چلے جانے کا کہہ دیا۔

دوسری جانب اٹالین ریسٹورنٹ نے ان الزامات کی تردید کرتے ہوئے کہا ہے کہ ہم سب کو خوش آمدید کہتے ہیں۔ ٹویٹر پر جاری تردیدی بیان میں ہوٹل کیا انتظامیہ نے لکھا کہ ٹویٹر پر جاری کسی پوسٹ پر یقین نہ کریں۔ ہم نے کسی کو بھی سروس فراہم کرنے سے انکار نہیں کیا بلکہ ہم تو ہر کسی کو خوش آمدید کہتے ہیں۔اس ٹویٹ کے جواب میں نادیہ جمیل نے لکھا کہ ریسٹورنٹ کے عملے نے نہ صرف ہمیں کھانا دینے سے انکار کیا بلکہ ہمارے ہاتھوں سے مینیو چھین کر ہمیں غصے سے اور چلاتے ہوئے وہاں سے چلے جانے کو کہا گیا تھا۔