کراچی، آندھی اور طوفانی بارش سے کرنٹ لگنے اور چھت گرنے کے واقعات میں کم سن بہن بھائی سمیت 11 افراد جاں بحق
شہرکے متعدد علاقے زیرآب، کئی علاقوں میں بجلی غائب
منگل 22 اگست 2017 15:31
(جاری ہے)
بارش کا یہ سلسلہ منگل کے روز بھی جاری رہا اور شارع فیصل، ایم اے جناح روڈ اور دیگر اہم شاہراہوں پر بارش کی وجہ سے ٹریفک کا نظام درہم برہم ہوگیا، کئی گاڑیاں اور موٹر سائیکلیں خراب ہوگئیں اور شہریوں کو شدید مشکلات کا سامنا کرنا پڑا۔
شہر میں بارش کا پانی مختلف سڑکوں پر جمع ہونے کے باعث جگہ جگہ ٹریفک کی روانی متاثر ہوئی جب کہ کئی علاقوں میں ٹریفک بھی جام ہوگیا، بفرزون، گولیمار، لسبیلہ، اولڈ سٹی ایریا ، گلشن اقبال ، گلشن اقبال،: ایف بی ایریا میں بجلی کی فراہمی تاحال بحال نہیں ہوسکی جبکہ بارش شروع ہوتے ہی بجلی بھی غائب ہوگئی اور کراچی کے اکثر علاقے تاحال بجلی کی فراہمی سے محروم ہیں ۔تفصیلات کے مطابق پیر اور منگل کی درمیانی شب پہلے گرد آلود تیز آندھی چلی اور پھر اچانک موسلا دھار بارش نے لانڈھی، کورنگی، ملیر ہالٹ، گلستان جوہر، گلشن اقبال، فیڈرل بی ایریا، نیو کراچی، نارتھ کراچی، نارتھ ناظم آباد، ناظم آباد، لیاقت آباد، مارٹن کوارٹرز، جہانگیر روڈ، جمشید روڈ،لسبیلہ، نشتر روڈ، گارڈن، گرومندر، نمائش، صدر، لیاری، کورنگی، کھارا دار، میٹھا در سمیت شہر کے بیشتر علاقوں میں جل تھل کر دیا۔جبکہ بارش کی چند بوندیں گرتے ہی شہر کی300 فیڈر ٹرپ کر گئے،پی ایم ٹیز پھٹنے اور دیگر فنی خرابیوں کے باعث شہر کے کئی علاقوں میں بجلی کی فراہمی بھی معطل ہوگئی اور بجلی کی فراہمی معطل ہونے سے کراچی کا بڑا حصہ تاریکی میں ڈوب گیا۔ بجلی کی فراہمی معطل ہونے کے باعث کراچی ایئرپورٹ پر فلائٹ آپریشن بھی متاثر ہوا اور مسقط اور دبئی سے جناح انٹرنیشنل ایئرپورٹ آنے والی پروازوں کو نوابشاہ ایئرپورٹ پر لینڈ کرایا گیا۔کے الیکٹرک ترجمان کا کہنا ہے کہ طوفانی بارش سے سیکڑوں مقامات پر بجلی کے تار ٹوٹ گئے تاہم عملہ علاقوں میں موجود ہے اور وہ بجلی کی بحالی میں مصروف ہے۔دوسری جانب محکمہ موسمیات کے مطابق آئندہ 24 گھنٹوں کے دوران شہر کے مختلف علاقوں میں وقفے وقفے سے ہلکی بارش کا امکان ہے۔ محکمہ موسمیات کے مطابق شہر قائد میں 2 روز سے جاری گرمی سمندر میں موجود ہوا کے کم دباؤ کی وجہ سے ہے، دباؤ کم ہونے کے باعث سمندری ہواؤں کی رفتار بھی کم ہوگئی تاہم بھارتی گجرات میں موجود ہوا کے کم دباؤ کے اثرات بارش کی شکل میں کراچی پہنچ گئے ہیں۔ڈائریکٹرمحکمہ موسمیات کے مطابق کراچی میں بارش کا یہ سلسلہ بدھ تک جاری رہنے کا امکان ہے اور اس دوران شہر بھر میں کہیں ہلکی اور کہیں تیز بارش ہوسکتی ہے۔محکمہ موسمیات کے مطابق کراچی میں گزشتہ پیر اور منگل کی درمیانی شب سب سے زیادہ بارش لانڈھی میں لانڈھی 37 ملی میٹر ریکارڈ کی گئی، اس کے علاوہ گلشن حدید 32، ناظم آباد31، پی اے ایف فیصل بیس 29، پی اے ایف مسرور26، ماڈل آبزرویٹری اور کراچی ائیرپورٹ میں 12 ملی میٹر بارش ریکارڈ کی گئی۔ بارش کا سلسلہ مزید 24 گھنٹے جاری رہ سکتا ہے،دوسری جانب حکومت خواب غفلت کے مزے لے رہی ہے اور شہری انتظامیہ کا بھی کوئی نام ونشان تک نہیں ہے ،شہر کے اکثر علاقے اب بھی تالاب کا منظر پیش کررہے ہیں اور سڑکوں پر پانی جمع ہے ،جس کے باعث ٹریفک کے معمولات شدید متاثر ہیں ،لیکن ابھی تک پانی نکالنے کے حوالے سے کوئی ٹھوس اقدامات نہیں کئے گئے ہیں ،اگر فوری بنیادوں پر پانی سڑکوں سے نہ ہٹایاگیا تو مزید حادثات کا اندیشہ ہے ۔واضح رہے کہ پیر اور منگل کی درمیانی شب شروع ہونے والی بارش کے دوران کرنٹ لگنے سے رضویہ سوسائٹی میں 18 سالہ رمیز، پاک کالونی کے علاقے پرانا گولیمار باری ولیج میں پانی میں کرنٹ پھیلنے سے 18 سالہ بسمہ جاں بحق ہو گئی جب کہ سولجر بازار کے علاقے قادری چوک گارڈن ایسٹ میں کرنٹ لگنے سے حارث اور منصور نامی 2 افراد جاں بحق ہوئے جن کی لاشیں ایک گھنٹے تک جائے وقوع پر پڑی رہیں۔نارتھ کراچی انڈہ موڑ کے قریب کرنٹ لگنے سے 18 سالہ مریم جاں بحق جبکہ نارتھ کراچی ڈسکو موڑ کے قریب مکان کی چھت گرنے سے کمسن بہن مریم اور جنید بھائی جاں بحق ہوگئے۔ گلشن کنیز فاطمہ میں گھر کی دیوار گرنے سے ایک شخص جاں بحق ہوا، سپرہائی وے فقیرا گوٹھ میں 28 سالہ حاجرہ بی بی جبکہ نیو کراچی میں کرنٹ لگنے سے نامعلوم شخص جاں بحق ہوا۔ نیوکراچی خمیسو گوٹھ میں کرنٹ لگنے سے معاذ اللہ جاں بحق ہو گیا۔گارڈن کے علاقے میں واقع چاندنی چوک پر بجلی کے تار پانی میں گرنے سے کرنٹ لگنے کے باعث 2 افراد جاں بحق ہوئے جنہیں نکالنے کے لئے امدادی رضاکار موقع پر پہنچے لیکن پانی میں کرنٹ ہونے کے باعث امدادی ٹیمیں لاشیں نکالنے میں ناکام رہیںمتعلقہ عنوان :
مزید قومی خبریں
-
کراچی میں قبضہ مافیا کے کارندوں کا حاملہ خاتون پر تشدد
-
جناح اسپتال میں خواتین ڈاکٹروں کو بطور سزا کمرے میں بند کرنے کا انکشاف
-
سندھ حکومت کا اورنج لائن اور گرین لائن کو جوڑنے کے لئے شٹل سروس شروع کرنے کا فیصلہ
-
ملک بھر میں چائنیز کی سیکورٹی ہائی الرٹ، بم پروف بسوں کیلئے انتظامات کا آغاز
-
اسٹیل کی قیمتوں میں کمی کی وجہ سے کاروباری سرگرمیوں میں اضافہ ہو گیا
-
نیپرا نے بجلی کی فی یونٹ قیمت4روپی99پیسے بڑھانے پر فیصلہ محفوظ کر لیا
-
وزیراعلیٰ پنجاب مریم نواز شریف نے فیصل آباد ویسٹ مینجمنٹ کمپنی کے ورک چارج ملازمین کی تنخواہیں جاری کرنے کی منظوری
-
چوھدری شافع حسین سے ترکیہ کے قونصل جنرل کی ملاقات، پنجاب اور ترکیہ کے مابین تجارتی تعاون بڑھانے پر اتفاق
-
گورنر سندھ کامران خان ٹیسوری سے کراچی بار ایسوسی ایشن کے وفد کی ملاقات
-
روس ایک وسیع مارکیٹ ہے ، پاکستانی برآمد کنندگان تجارت کو فروغ دے کر کثیر زرمبادلہ حاصل کر سکتے ہیں، وفاقی وزیرجام کمال خان
-
گورنر سندھ کا حیدرآباد میں آئی ٹی پروگرام کے آغازکا اعلان
-
بجلی ایک ماہ کیلئے 5 روپے فی یونٹ مہنگی کر دی گئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.