نیب نے مریم نواز کو تفتیش کیلئے طلب کر لیا

محمد علی پیر 21 اگست 2017 22:10

لاہور (اردوپوائنٹ تازہ ترین اخبار۔21 اگست 2017ء) نیب نے مریم نواز کو تفتیش کیلئے طلب کر لیا ہے۔ تفصیلات کے مطابق نواز شریف اور ان کے صاحبزادوں کے بعد اب مریم نواز کو بھی نیب کی جانب سے طلب کر لیا گیا ہے۔ ذرائع کا کہنا ہے کہ نیب نے مریم نواز کو کل لاہور آفس میں پیش ہونے کی ہدایت کی ہے۔

(جاری ہے)

جبکہ ںواز شریف، ان کے صاحبزادوں حسن نواز، حسین نواز اور اسحاق ڈار کو بھی کل پیش ہونے کی ہدایت کی ہے۔

نیب سپریم کورٹ کی ہدایت پر عزیزیہ اسٹیل مل کیس کی تحقیقات کر رہا ہے۔ کل حاضر نہ ہونے کی صورت میں نواز شریف اور ان کے صاحبزادوں کی گرفتاری بھی عمل میں آ سکتی ہے۔ اس حوالے نیب نے اپنی تمام تیاریاں مکمل کر لی ہیں۔ جبکہ نواز شریف اور ان کے صاحبزادوں کو ملک سے فرار ہونے سے روکنے کیلئے ان کا نام ای سی ایل میں ڈالنے کی درخواست بھی وزارت داخلہ کو بھیج دی گئی ہے۔