اوبر اور کریم ٹیکسی نیٹ ورک ایک غیر قانونی اقدام ہی ،ٹیکسی ڈرائیور ایسوسی ایشن

سلام آباد(اُردو پوائنٹ اخبارتازہ ترین - آن لائن۔ 21 اگست2017ء) اوبر اور کریم ٹیکسی نیٹ ورک ایک غیر قانونی اقدام ہے جو راوالپنڈی اسلام آباد کے لاکھوں ٹیکسی ڈرائیورز کی کمائی پر ڈاکہ ہے انتظامیہ اسے قانونی دھارے میں لائے ورنہ تمام ٹیکسی گاڑیوں کے ٹیکس معاف کر دیئے جائیں تاکہ عوام کو بھی ریلیف ملے اور تمام ٹیکسی ڈرائیور ایک ریٹ پر کمائی کریں ان خیالات کا اظہار ٹیکسی ڈرائیور ایسو سی ایشن کے صدرملک آفتاب نے روزنامہ جناح سے گفتگو کرتے ہوئے کیا انہوں نے کہا کہ گزشتہ روز اتوار کو اسلام آباد میںٹیکسی ڈرائیور وں نے جو مظاہرہ کیا وہ غیر قانونی تھا مظاہرے میں شریک تمام لوگ حکومت کو بدنام کرنے کے لئے بنی گالا کے پمفلٹ تقسیم کر رہے تھے جن پر نہ کسی یونین کا اور نہ کسی نمائندے کا نام درج کیا گیا ہے اور ان تمام ٹیکسی ڈرائیورز کے خلاف جو مقدمات درج کئے گئے ہیں ہماری یونین کا ان مقدمات کے ساتھ کوئی عمل دخل نہیں ہے ملک آفتاب نے کہا کہ ہم نے کریم کیب کے خلاف قانونی اقدام اٹھایا ہے جس کے ذریعے ہم نے ہائی کورٹ اسلام آباد میں پٹیشن دائر کر رکھی ہے جس کی ہائرنگ 9ستمبر کو ہو گی ہم نے اپنا موقف عدالت میں بھی یہی رکھا ہے کہ کریم کیب کو ٹیکسی کلر دیا جائے اور ان پر یا ٹیکس لگایا جائے یا تمام ٹیکسی گاڑیوں پر ٹیکس ختم کر کے یکساں قانون بنایا جائے انہوں نے کہا کہ کریم اور اوبر ایک ڈیجیٹل نیٹ ورک ہے جو ٹرانسپورٹ کے دائرے میں نہیں آتی یہی وجہ ہے کہ وہ اپنے 20روپے فی سواری کے چکر میں ڈرائیور کو انشور کرتے ہیں اور نہ ہی گاڑی کی گارنٹی دی جاتی ہے انہوں نے گاڑی مالکان کو دھوکے میں ڈال رکھا ہے اور ہائی لیول ملی بھگت کے تحت ان کا دھندہ چل رہا ہے