ملکی معیشت کیلئے اچھی خبر، دنیا کی دوسری بڑی نجی آئل کمپنی ’’ٹریفیگیورا ایڈمور‘‘ کی پاکستان آمد

محمد علی پیر 21 اگست 2017 20:12

لاہور (اردوپوائنٹ تازہ ترین اخبار۔21 اگست 2017ء) دنیا کی دوسری بڑی نجی آئل کمپنی ’’ٹریفیگیورا ایڈمور‘‘ کی پاکستان آمد ہوئی ہے۔ تفصیلات کے مطابق پاکستان کی بہتر ہوتی ہوئی معیشت کے باعث ملک میں سرمایہ کاری کرنے کیلئے دنیا کی کئی بڑی کمپنیوں کی یہاں آمد ہو رہی ہے۔

(جاری ہے)

پاکستان میں اب سرمایہ کاری کیلئے دنیا کی دوسری بڑی نجی آئل ٹریڈنگ کمپنی ٹریفیگیورا کی یہاں آمد ہوئی ہے۔ سوئٹزرلینڈ میں قائم ٹریفیگیورا پاکستان میں کاروبار کرنے والی ایڈمور تیل کمپنی کے 51 فیصد شیئرز خریدے گی۔ 471 پمپس کی مالک ایڈمور کمپنی کی فروخت کا حجم تقریباً 40 ملین ڈالر ہے۔ اس حوالے سے معاہدے پر دستخط 26 اگست کو ہوں گے۔